Sa buhay ni Mariposa, nanatili pa rin siyang matatag sa kahit anong panahon man ang dumaan-maulan, maaraw, o bumagyo man ay patuloy pa rin siyang namumuhay. Sa kabila ng bawat hamon ng kanyang buhay, makakamit kaya ni Mariposa ang ginhawang buhay na kanyang tinatamasa?

Si Gord ay isang aso na nawala nang pumunta ang kanyang tagapag-alaga sa palengke para mamili. Ang kanyang buhay sa kalye ay nagsimulang maging iba nang matuklasan niya ang tunay na buhay sa labas ng kanyang tahanan na akala niya'y masaya at malaya. Sa bawat pag-titiis ng gutom sa kanyang pamumuhay sa kalye ay nakilala niya si Kitty-isang pusa na nakagawian na ang buhay sa kalye. Matitiis at makakaya ni Gord ang buhay sa kalye? Muli pa kayang makakabalik si Gord sa kanyang tahanan?