Namatay si Jean matapos iligtas ang isang bata sa gitna ng kalsada... pero hindi doon nagtapos ang kanyang kwento. Pagdilat niya, nasa katawan na siya ng isang prinsesang itinakwil ng hari-isang mahinhin at api-apihang dalaga na walang halaga sa mata ng kanyang pamilya. Sa palasyong puno ng intriga, kahihiyan, at kasakiman, haharapin niya ang kanyang mga kaaway-lalo na ang malditang kapatid na si Sanya at ang mapanirang step-sister, anak ng kabit ng hari. Ngunit hindi na siya ang prinsesang mahina. Dala ang tapang at puso ni Jean, gagawin niyang sandata ang lahat ng sakit at pangungutya... at ipapakita niya sa kanila kung gaano kalakas ang isang prinsesang minsang itinapon.

Si Charlie ay isang kilalang gangster sa mundong kanyang pinagmulan-malupit, walang kinatatakutan, at sanay gumamit ng dahas. Inaabuso niya ang kanyang mga kaklase at sinumang taong masagasaan ng kanyang galit. Ngunit sa isang trahedya, matapos siyang barilin, doon nagtapos ang kanyang marahas na buhay. O iyon ang kanyang akala. Sa muli niyang pagdilat, natagpuan niya ang sarili sa katawan ng isang babaeng kontrabida sa ibang mundo-isang babae na kilala lamang sa pagpapapansin, paghahangad ng atensyon ng lahat, at desperadong pagkapit sa pagmamahal ng isang taong hindi kailanman magiging kanya, pati na rin sa pag-aaproba ng kanyang pamilya. Mula sa isang gangster na kinatatakutan tungo sa isang kontrabidang kinamumuhian-paano babaguhin ni Xelle ang kapalarang nakatakda na sa bagong buhay na ito?