Matagal nang sinukuan ni Janelle ang salitang pagibig. Dahil para sa kanya, ang pag-ibig ay hindi katulad sa libro na matamis, totoo, at loyal dahil sa totoong buhay puno ito ng kasinungalingan at kalokohan. Hanggang sa dumating si Dylan - baklang maingay, matalino, volleyball player, at may maikling pasensya pero may pusong totoo. Siya 'yung tipo ng taong kayang magpatawa kahit sa pinaka nakakapagod na araw. Samantalang si Janelle ay tahimik, responsable, at laging kalmado - ang class president na tila laging may sagot sa lahat, maliban na lng sa sarili niyang damdamin. Hindi nila inasahan na sila ay magiging matalik na magkaibigan. Si Dylan, na may pusong babae at sanay magmahal sa maling tao. Si Janelle, isang simpleng babae na napagod na sa ideya ng pag-ibig. Pero sa gitna ng tawanan, kulitan, at mga gabing puno ng kwento, unti-unti nilang natagpuan ang ginhawa sa presensya ng isa't isa. Walang halong drama, walang plano - puro totoo. Hanggang sa isang araw, pareho nilang napagtanto na baka hindi lang pala ito basta pagkakaibigan, kundi isang namuong pagibig na pareho nilang hindi inaasahang darating sa kanilang dalawa.