Tila tumigil ang mundo ni Solenn nang ibalita sa kaniya ng doktor na may tatlong buwan na lamang siyang itatagal sa mundo. Dahil sa balitang iyon, nawalan siya ng gana sa paligid. Not until, atakihin sa puso ang kaniyang Lolo Terio. Kailangan nitong maoperahan sa lalong madaling panahon. Kaya naman pikit matang tinanggap ni Solenn ang offer ni Avah, na siyang may ari ng isang kilalang Night Club na puro VIP ang mga member. Isinali siya nito sa Angel's kung tawagin, nang gabi ring iyon, dahil kailangan na niya ng pera. Ora mismo siyang sumabak sa trabaho. Malinaw sa kaniya na kailangan niyang ibigay sa isang lalaking mag-bi-bid sa kaniya ang kaniyang sarili. Ngunit hindi niya inasahan na aabot ng sampung milyon ang bid sa kaniya ng isang napakaguwapong lalaki na para kay Solenn ay tila galit sa pera. Sa isip ni Solenn, hindi na masamang pagbigyan ng sarili niya ang lalaking iyon. Bago man lang siya mawala sa mundo, hindi siya mapupunta sa matandang malaki ang tiyan.