[ صريف الروح الموّيهة ]"بين جدران بيت متهالك بصدر الجنوب، ضاعت ضحكاتنا ويه غبشة الموت.. خطف من عدنا اعـزاز، وتركنا لدنيا ما ترحم وجوهنا. عبالي الوجع حدّه لهنا ويهوس، بس ما دريت بنار 'جايـه' راح تحرك الأخضر واليابس وتجوينا بصمتنا.بين ليل الهروب الطويل، وفقد ضيع ملامحنا وشتت شملنا، نلگى نفسنا بوسط دوامة من المشاكل الما تنتهي.'صريف الروح الموّيهة'.. مو مجرد كلمات، هاي قصة ونين نبت بالروح وصارت شجرة مرّة.. قصة حزن جنوبي حقيقيه، عشته بكل تفاصيله ومواجيعه.".

قصه من الواقع تحكي كلمات قصيره لاكن وراها سنين طويله جدأ في زمنٍ صار بيه السكوت نجاة... وجريمة بنفس الوقت، تبدأ الحكاية داخل بيت بسيط يخاف من صوت الباب أكثر من صوت الرصاص. كلشي يتغيّر بسرعة... الخوف يكبر، والناس تتبدل، والقلوب تصير أقسى. واحد راح يختار طريق مظلم... والثاني راح يحاول يتمسك بالإنسانية. بس بهيك زمن... مو كلشي يبقى مثل ما هو.