Para kay Sadi Venice Moore, ang kasal ay isang sagradong pangako-isang pagsasama ng dalawang taong tunay na nagmamahalan. Buo ang kanyang paniniwala na ang pag-aasawa ay hindi dapat binubuo ng kasunduan, pera, o obligasyon, kundi ng pagmamahal at tiwala. Ngunit isang kasunduan ang sumira sa paniniwala niyang iyon. Hanggang sa makilala niya ang lalaking nakatakdang maging asawa niya. Rage Vlad Cromwell. Ang susunod na tagapagmana ng Cromwell Group. Bata pa lamang ay nakapagtayo na siya ng sariling kumpanya at napatunayan na ang kanyang kakayahan sa mundo ng negosyo. Ngunit may isang bagay na hindi niya makukuha sa sariling pagsisikap lamang-ang buong pamana ng kanyang lolo. At para mangyari iyon, kailangan niyang pakasalan ang apo ng matalik nitong kaibigan. Isang kasunduang ayaw niyang pasukin. Ngunit para sa kayamanan, kapangyarihan, at pangarap na matagal na niyang inaasam, handa siyang isantabi ang sariling kagustuhan. Hindi tulad ni Sadi, hindi naniniwala si Rage na ang kasal ay tungkol sa pag-ibig. Para sa kanya, isa lamang itong kontrata. Isang piraso ng papel. Isang transaksiyon. Dalawang taong may magkaibang paniniwala. Dalawang pusong pinilit ng tadhana na magsama sa iisang bubong. Sa gitna ng mga lihim, hindi pagkakaunawaan, at damdaming unti-unting nabubuo, may pag-asa pa kayang matutunan ni Rage ang tunay na kahulugan ng pag-ibig at pag-aasawa? O si Sadi ang tuluyang mawawalan ng paniniwala matapos matuklasan ang totoong pagkatao ng binata? Kapag ang kasal ay nagsimula sa isang kasunduan, maaari pa kaya itong magwakas sa pag-ibig? 'BEHIND THE I DOS' || YNGXX