"မွှေးရနံ့တွေက အမှတ်တရတွေကိုသယ်ဆောင်ပေးတယ်တဲ့...။ ကိုယ် ပထမနှစ်ကျောင်းသားဘဝကသုံးခဲ့တဲ့ရေမွှေးနံ့လေးပြန်ရရင် ကိုယ့်ကျောင်းသားဘဝကအမှတ်တရတွေ ခေါင်းထဲတန်းစီပေါ်လာရော...။ အခုလည်း ကိုယ်တို့နှစ်ယောက်ရဲ့အမှတ်တရတွေကိုဖန်တီးရင်း တစ်ချိန်မှာ ပြန်အမှတ်ရစေဖို့ ရေမွှေးလက်ဆောင်...။ ကလေးနဲ့လိုက်ဖက်မဲ့ရနံ့လေးကိုရွေးထားတယ်..ကုန်သွားရင် ကိုယ်ထပ်ဝယ်ပေးမယ်" မြလေးသည် ရေမွှေးပုလင်းလေးကိုယူကာ အစ်ကို့ခေါင်းထက်မှာတစ်ချက်ဖြန်းလိုက်သည်။ "အစ်ကို ပြန်ရအောင်လေ" မြလေးတို့ကားထဲရောက်တော့ အစ်ကို့အင်္ကျီရင်ဘတ်ကိုဆုပ်ကိုင်ကာ ရင်ဘတ်ကို ခပ်ဖွဖွနမ်းလိုက်၏။ "အစ်ကိုပြောတဲ့အမှတ်တရကောင်းလေးတွေကို သိမ်းနေတာလေ။ မြလေးအတွက်အမှတ်တရကောင်းတွေထဲမှာ အစ်ကိုကထိပ်ဆုံးကမို့.."