Matapos ang isang maikling interview sa hardware, sa wakas ay natanggap na si Lexi Nazareth bilang bagong empleyada. Bagamat simpleng trabaho lang ito, para kay Lexi, malaking bagay na ito-makakatulong na siya sa bahay, at hindi na niya kailangang marinig ang pangaral ng kanyang ina araw-araw. Ngunit ang gabing dapat sana'y payapa ay biglang nabalot ng kaba nang utusan siyang bumili ng paminta. Wala na raw stock sa bahay, at kailangan ito ni Mama para sa lulutuin kinabukasan. Ayaw man ni Lexi dahil gabi na at may balitang may wanted na kriminal na gumagala, napilitan siyang lumabas. Sa kanyang pag-uwi mula sa tindahan, nadaanan niya ang isang madilim at tahimik na eskinita. Doon niya unang nakita ang isang lalaki-tahimik, matangkad, nakasuot ng itim, at malamig ang presensya. Hindi niya kilala ang lalaki, pero ito'y biglang nagsalita at tinawag siya sa pangalan. > "Lexi Nazareth, 'di ba?" "Papunta ka pa lang... pabalik na ako." "'Pag ako ang nagustuhan mo... delikado ka na." Sa tindi ng kaba at pagtataka, agad na tumakbo si Lexi pauwi, iniwan ang lalaki sa dilim. Pero sa kanyang puso, alam niyang hindi iyon ang huli nilang pagkikita. Hindi lang ito basta estranghero. Siya si Klaus Salvatore. At simula pa lang ito ng lahat. Salvatore Series🔪🖤

Si Kimberly de Celestia Cruz ay isang simpleng dalaga na galing sa mahirap na pamilya. Nagtatrabaho siya sa isang karinderya para matustusan ang gamot ng kanyang may sakit na ina at ang pang-araw-araw na pangangailangan nilang mag ina. Sanay na siyang gumising ng maaga, pagtitipid sa baon, at pakikisama sa mga chismosa sa kanto. Ang tanging katuwang niya sa stress? Ang sarili niyang mental commentary na laging may kaunting kaartehan at sarcasm. Pero biglang nagbago ang lahat nang dumating si Raphael Salvatore. Isang misteryosong lalaki na may malupit na tingin, presensyang parang demonyo, at isang ngiting hindi mo alam kung iiyak ka o maiihi sa takot. Tahimik siyang lumalapit sa buhay ni Kimberly... dahil matagal na pala siyang minamanmanan. At isang gabi, kinidnap siya. Nagising si Kimberly sa loob ng isang malaking bahay sa gitna ng kagubatan-malayo sa sibilisasyon. Walang cellphone, walang kausap, walang takas. Pero ang mas nakakatakot? Walang hinihinging ransom si Raphael. Wala rin siyang gustong kapalit. Ang gusto niya lang... si Kimberly. Habang tumatagal, lalong lumalabo ang linya sa pagitan ng galit at pagnanasa, ng takot at atraksiyon. At sa kabila ng kabaliwan ni Raphael, napapaisip si Kimberly- Bakit parang hindi ko na lang siya kinakatakutan...? Maaari bang sa gitna ng kadiliman, may kakaibang pag-ibig na mabubuo? O tuluyan na siyang malulugmok sa mundo ng isang psychopath? Salvatore series #2