بدموع واحتقار بصّت له، وكأن كل نقطة دم في قلبها بتتحرق وقالت: - بكرهك من كل قلبي... عمري ما كرهت حد في حياتي قدّك. جاسر ضحك، بس الضحكة ماوصلتش لعينيه، قرب منها خطوة، ووشه ماسك نفسه بالعافية، بس صوته خرج ثابت ومخيف: - مش مهم تحبيني... المهم إنك معايا، وملك ليا. قلتلك برضاكي أو غصب عنك... هاخد اللي أنا عايزه. وبكرة... هربطك بيا أكتر، لما تشيلي ابني في بطنك. إنتِ ملكي يا هانيا، ومستحيل أسيب حد ياخدك مني. هانيا اتراجعت، وكأن كل حرف دخل سكين في قلبها، شهقت بصوت باين فيه الكسر كله، وقالت بانهيار: - مستحيـــــل! مستحيل أخلف منك طفل! إنت فاهم؟! مستحيل!