" මේ හැමදේටම හේතුව මොකක්ද ? " " මනස."

මරකත මැණික් ආදරයේ සංකේතය නෙමෙයි. ඒ තරම්ම දුර්ලභ ඒ තරම්ම වටින මරකත මැණික් නිකම්ම නිකම් ආදරයේ සංකේතය වෙන්න කොහොමටත් බෑ. මරකත මැණික් කියන්නේ සදාකාලික ආදරයේ සංකේතය. ඒකයි ඒ දිලිසෙන කොළ පාට ගල් කැටේට හිමි හරිම තැන. දිලිසෙන කොළ පාට මැණික් කැට තියෙන්නෙ පොළව යට හැංගිලා. ඒකයි ඒ සදාකාලික නොවෙනස්වන ආදරයේ සංකේතය කාටවත්ම ලේසියකට හොයාගන්නත් බැරි! ඒත් එහෙමත් දවසක, කවුරුත් නොහිතපු විදිහට, සුර ලෝකේ ඉඳන් ආපු සුරදූතයෙක් ගැඹුරු ආගාධෙක පතුලෙම වැළලිලා තිබ්බ මරකත මැණිකක් කාටත් හොරා අයිති කර ගත්තාලු! මුළු ලෝකෙටම හොරා! ඒ වගක් ඒ සුරදූතයාවත් දැනගෙන හිටියේ නැහැලු! ඒත්, කාලෙක ඉඳන් නිදහස් වෙන්න පෙරුම් පුරාගෙන හිටපු ඒ මරකත මැණික නම්, ඒ සුරදූතයගෙ දැහැනට කැමැත්තෙන්ම යටත් වුණාලු!