​لە جیهانێکی تاریکی پڕ لە تاوان و مافیادا، ئەناستاسیا تەنها یەک ئامانجی هەیە: تۆڵەکردنەوە. ئەو کچە مافیا چاونەترسەی کە هیچ تەمومژێک ناوی ناپۆشێت، هەموو ژیانی تەرخان کردووە بۆ لەناوبردنی ئەرسێنی-ئەو پیاوەی خێزانەکەی کۆتایی پێهێنا و جیهانەکەی وێران کرد. ​بەلام لە پشتی ئەم شەڕە خوێناوییەی نێوانیانەوە، ڕاستییەکی زۆر تاریکتر شاردراوەتەوە. هەردووکیان هەڵگری نهێنییەکی نەفرەتین کە تەنانەت خۆشیان لە یەکتری نایناسنەوە؛ هەردوویان خوێنمژن. ​کە درک بە ڕاستییەکان دەکەن و لە سێبەری یەکتردا نزیک دەبنەوە، سنووری نێوان ڕق و ئارەزوو بەتەواوی تێکەڵ دەبێت. ئایا تۆڵەکردنەوەی ئەناستاسیا سەرکەوتوو دەبێت، یان ئەو نهێنییە هاوبەشەی لە دەمارەکانیاندا دەگەڕێت هەردووکیان دەکاتە قوربانی؟

ناوی چیرۆک:ڪچے سەر ڪانی لە گوندێکی جوان لە ناو شاخەکاندا، بارزان کوڕی ئاغای گوند دەژیا. گەنجێکی جوان و بەڕێز بوو، هەموو کچانی گوند حەزیان لێی بوو،بەڵام ئەو جگە لە ئەسپەکەی کەسی لا گرنگ نەبوو لە هەمان گونددا سێلینا دەژیا؛ کچێکی سادە، دڵپاک و هێمن. نە دەوڵەمەند بوو و نە هەژار، تەنها ژیانێکی ئاسایی هەبوو لەگەڵ خێزانەکەی. بارزان هەرگیز بیر نەدەکردەوە ڕۆژێک کەسێک دڵی ببات، بەڵام کاتێک سێلنای بینی لەسەر کانی هەستێکی نوێ لە دڵیدا دروست بوو. لەو ڕۆژەوە ژیانی هەردووکیان دەستی بە گۆڕان کرد. بەڵام ڕێگای خۆشەویستی هەمیشە ئاسان نییە.. ئایا بارزان، کوڕی ئاغا، و سێلینا، کچی سادەی گوند، دەتوانن بەسەر هەموو ڕێگرییەکاندا سەر بکەون؟

ڕۆڤیان لەگەڵ خێزانەکەی تازە ماڵیان گواستراوەتەوە بۆ گوند، بە هیواى دەستپێکردنێکی نوێ و ئارام. یەکەم دیداری لەگەڵ بڵند، بە تێنەگەیشتن و دڵپڕی کۆتایی دێت. بڵند سەرۆکی کۆمپانیایەکی دیزاین و نەخشەسازییە لە شار و ئامۆزای ئاغای گوندەکەیە کەم کەمیش سەردانی گوندەکە دەکات لەبەر زۆری کارەکانی کۆمپانیای. بڵند دایک و باوکی لە منداڵییەوە لەدەست داوە و ئاغا عومەر بەخێوی کردووە. ئەو بەهۆی ژیانی سەخت و بەرپرسیارییەکانییەوە کەم قسە و ساردە، بەڵام ڕۆڤیان ئەو ساردییە بە لەخۆباییبوون دەزانێت. کاتێک بڵند بەرپرسیارێتی دیزاین و نەخشەکێشانی ماڵە تازەکەی ڕۆڤیان وەردەگرێت، ڕێگاکانیان دووبارە بەیەکدا دەبەسترێن... لە تێنەگەیشتن و مشتومڕەوە، هەستێک بە هێواشی لە نێوانیاندا دەگەشێتەوە؛ هەستێک کە هیچ کامیان چاوەڕوانی نەدەکرد.

ناو چیرۆک:ڕونـاڪے نێوان سێبەࢪەڪان ​چیرۆکەکە لە شەوێکی سارد و باراناویدا دەستپێدەکات. لیسا لە لای جادەیەکی چۆڵ وەستاوە و چاوەڕێی تاکسی دەکات، بەڵام هیچ ئۆتۆمبێلێک تێپەڕنابات. لەو کاتەدا، ئۆتۆمبێلە ڕەشە سەرنجڕاکێشەکەی هەڵۆ لە تەنشتی لادەدات. کاتێک هەڵۆ پەنجەرەی ئۆتۆمبێلەکە دێنێتە خوارەوە، چاوەکانیان بۆ یەکەمجار بەیەک دەگەن-دیدارێک کە نە پلانی بۆ دێنرا بوو و نە چاوەڕوانکراو بوو. ​ئەم ناسیاوییە سادەیە دەبێتە سەرەتای گەشتێکی قووڵ و درێژ لەناو شەقامە شاراوەکانی شاردا، شوێنێک کە تێیدا جیهانی تایبەتی خۆیان بە یەکتری نیشان دەدەن و درک بەوە دەکەن کە تەواوکەری یەكترن. لیسا بە تێڕوانینە داھێنەرانەکانی، ڕەنگ و ژیان دەبەخشێتە جیهانە بێدەنگ و تاریکەکەی هەڵۆ؛ لە بەرامبەردا هەڵۆ دەبێتە ئەو قەڵا و پشتوپەنایە هێمنەی کە لیسا هەمیشە لە دوایدا دەگەڕا.