من يقول إن النور لاغاب رجع ؟ ومن منّا يضمن مشاوير الطريق ! وحتى الصياد لو قضى ليله سّهر يجمع بين شبّك ومغارات الموج عودّ التيّار ولا رجع وخيب آماله والوعود وباتّ ليله طوله سّهر يتحرى شمس العُمر غاب العُمر وانطفأ قنديل الآمل وانجلت انوار العُمر مابه ضياء الا المَنار .. مابه امل ولا شوك هدب لا تنتظر الا المَنار .. ماقال لك فوق خط الوريد ؟ عهدًا عليّ وخل الليالي تموت بحرّها والله ما اتنازل ولي رآي عنيد لين أداعب غُرة النور و الثم خدها ياقصيد كان الأشعار سادات و عبيد والله انك من بحور غريب جدها .. ------ كيف أطفي الريح بثيابك وكيف اشعلك كيف اتنثر على جمرك وكيف احتويك نقضت ليل الحرير وجيت ما أنت لهلك سمّيت باللي فتني بك وقلت ابتديك هذا اول الدرب او هذا الطريق اولك جيت آتوقّا عذابات المدى ..واهتديك شوقي مسافة وهمساتك مدار وفلك ان ماظميتك غلى ..ياعلني ماارتويك إية اعرفك واعرف اني من غلاك اجهلك مرات اضمّك واخاف اني مشبة عليك مرات اشوفك بنفس الوقت واتخيلك وانشد كفوفي عن اخر سالفة من يديك أعنّ لك لو تصّب الموت ...واتهيّلك واجوع لك وآتمنى خنجرك واشتهيك ماقلت لك عمر سيف العشق مايقتلك ماتشوفني حي قدامك وانا اموت فيك! اشتقت لك قبل اجيك وجيت واشتقت لك البارحة طول ليلي بين هذي ..وذيك مليت جمر انتظارك واستحيت أسألك

روايتي الثانية مُكتملة ✍🏻 ~ كُتبت بواسطة : الجُّود بِنت آل مطّلق 🌟 ~

حسابي بالاستقرام r_55shog

لا استبيح النقل او الاقتباس و اخذ الفكرة او ماشابة

جميع التشبيهات في الانستا : jiji_x900

وين تبدا هالمَدِينة .. كل يومْ من رصيفٍ عاري تَحت النجومْ من عناوينِ الجريدة .. في المواني .. و حُمْرة عيون المسافر ضِحكة الصُبح الجَدِيدة .. أخر أوراق التذاكر .. أو بِعد حِبر الختومْ .. وين تبدا هالمَدِينة كل يومْ ؟ ودّي أعرف هالعوَاصمْ .. و أبي ابدا من يدِيها ودّي أنزع مِن أصابِعها الخواتم قبل لاسلم عليها .. ودّي تجمعني بها لحَظة حَميمهْ وين تَجلس هالمدينة ؟ في العمايرْ .. في الدوايرْ في الدكَاكينّ القديمَة .. في صدري أحساسٍ شهي .. لو يدوم .. و أبي أعرف وين تبدا هالعيون .. وتنتهي كل يوم ؟ مدري وش سرّ العواصم .. والمداين .. والعيون .. ومدري وش سرّ الجنون أنتظرتك في محَطات القَدوم .. وفي مواعيد السَفر .. صك شبّاك التذاكِر .. و أنمحى حِبر الخَتُوم وماعرفتك