Isa sa pinakamalaking kasalanan sa mata ng tao ang pagpili sa sarili. Selfish, iyon ang tawag sa ingles. Hindi kayang malunok ng karamihan na nakatayo ka sa entabladong walang dalang problema. Kukwestyunin nila ang iyong pagkatao hanggang sa mapapaisip ka nalang kung bakit pinili mong mag-isa. Pero para kay Elya, hindi importante ang sasabihin ng iba. Naniniwala siyang bawat tao ay may karapatang pumili sa kung ano mang gusto nila. Dahil para sa kaniya, hindi balanse ang lipunan kung walang sasalungat. Boring ang buhay kung walang magiging problema.