Salad Days #1. Ang buhay natin ay serye ng mga kabalintunaan. Ang tanging katiyakan sa buhay nati'y walang katiyakan. Ang tanging hindi nagbabago ay ang pagbabago. Kapag masyado mong pinipilit ang isang bagay, mas magiging mahirap itong makamit. Kapag masyado mong sinusubukang panatilihin ang isang tao, mas tinutulak mo siya palayo. Kapag kumbinsido ka na ikaw lang parati ang tama, malamang ay marami ka pang hindi alam. Kapag masyado kang nagmahal, mas lalo kang masasaktan. Kapag bigay ka nang bigay, mas madadama mo na pinagkakaitan ka ng mundo. Gano'n ang naging paniniwala ni Luke Kyrie Maravilla nang hiniwalayan siya ng nobya ng tatlong taon.