کورتە : "لە هەر کوێیەک بیت، چارەنووس وەک سێبەرێکی بێدەنگ دەست بە داوێنتا دەگرێت... بەڵام ئاخۆ ئەمە سێبەری ناخی خۆتە، یان هەبوونێکی تر کە لە تاریکیدا چاوەڕێت دەکات؟ ​لە نێو جەرگەی دڵی نەمسای پڕ لە ئاواز و مۆسیقادا، کچێکی غەمگین بەڵام یەکجار شیرین بە ناوی 'هانا دی سباستیان' پەناگەیەک بۆ ڕۆحی ماندووی دەدۆزێتەوە. هانا، کە ڕۆژانێک مامۆستای زانکۆ بوو لە ئەڵمانیا، لە ژێر قورسایی هەزارەها یادگاریی تیژ و تاڵدا ڕادەکات و بڕیار دەدات هەرگیز سەیری پشت سەری خۆی نەکاتەوە. ئەو لە نەمسا دەبێتە کچە بۆکسێنەرێکی کارامە؛ مشتەکۆڵەکانی دەکاتە قەڵغانێک بۆ شاردنەوەی شکاوی و ناسکیی ناخی. ​بەڵام ژیان کایەیەکی سەیرە؛ کاتێک زنجیرەیەک ڕووداوی کتوپڕ پەلکێشی دەکەن بەرەو ئیتاڵیای پڕ لە سۆز، هونەر و پەیکەری زیندوو، تەلیسمی بێدەنگییەکەی دەشکێت. لەوێ، لە نێوان شەقامە کۆنەکان و ئاوازی باراندا، چارەنووس بە تفەنگێکی پڕەوە چاوەڕێی دەکات... گەشتێک کە ژیانی هانا بۆ هەمیشە لە مەرگ و تەنیاییەوە، بەرەو لوتکەی هونەر، جوانی و عەشقێکی تەمومژا.