.

ليست گل نضـره نضرة حقد بل گانـت نضرة حُب بصمت!

حاولت أتنفس، بس الهوا جان قليل وبارد. لزكت ظهري بالحايط الرطب وبديت أنزل تدريجياً لحد ما كعدت على الگاع، ولميت رجلي لصدري واني أرجف. -أدهم! أدهم فدوة افتح الباب! أدهم ضلمة! صرخت بس صوتي جان يرجع لي كصدى فارغ وموحش. تذكرت كل قصص الرعب، كل الخيالات اللي جانت تخوفني واني طفلة.. هسه كلها تجسدت كدامي بهالظلام. بديت أتخيل اكو عيون تباوعلي من الزوايا، وأسمع أصوات خشخشة وية كل حركة أسويها. صرت أفرك إيدي المجروحة بقوة، الوجع جان هو الشي الوحيد اللي يذكرني إني لساتني واعية وما فقدت عقلي. -لا تعوفني وحدي.. أدهم والله أموت.. الله يخليك! بدأت أتخفخف بمكاني، ودموعي تنزل بحرارة على خدودي الباردة. الوحدة بهيج مكان جانت مثل السجين اللي ينغرز ببطء بگلبي. كل ثانية تمر جانت تحسسني بدهر. فجأة...

الرواية عراقية حقيقية الرواية التي تكشف ما لا يُقال داخل البيوت المغلقة... حين تصبح الأبوة قيداً، وتتحول البنات إلى شهيدات باسم الطاعة في زمنٍ لا يبعد كثيراً عن الحاضر وفي بيت يُقفل على صراخ البنات لا على أسراره نشأت فتيات تحت سلطة رجل يسودهُ الظلم والجبروت لكن الزمن لا يبقى والفتيات لا يبقين صغيرات من بين العيون المنكسرة تولد نظرة تحدّي ومن بين السكوت تبدأ أول كذبة وأول كابوس... ثم أول قرار بكسر إرث اسمه (الجبروت) فالسنوات تمضي والقهر يتوارث مثل الاسم فيولد جيل جديد ! رواية سلالة الجبروت تعرفنا كيف يُورَّث الظلم كما يُورث الاسم... وكيف يمكن لجيلٍ أن يولد من الرماد لا ليحترق بل ليحرق القيد نفسة! بقلمي تبارك العقابي 🖤🔥