~ من غدت همي وانا مالي ديار الا ديرها جالها بين الظلوع الظامية روحة وجية جادل كل الدروب المعشبة تنبت بثرها جت تبي جرح وقصيد وخلت الثنتن لية من يحدثني حديث الثلج للجمر بثغرها والله اني كنت ناوي لي بهاك الجمر نية من نشدهاك الوساع الخرس عن دنيا حورها وش جمع سحر الغموض بسودهاوالنرجسية الوكاد اني بشط الكحل غنيت لبحرها ماحلا هوسة هدبها والمساء والسامرية ~

كانت ريحة البخور تملي المكان , و البيت هادي بزيادة ... هدوء يسبق العاصفة اللي بصدري . وقفت خولة عند المراية تعدل شيلتها بيد ترجف . اليوم ليلتها ... اليوم هو المفروض يكون هناك في بيته الثاني او الثالث او لرابع .. ضاعت الحسبة في قلبي بس ما ضاععت في وجعي سمعت صوت خطواته المعروفة , التفتت بسرعة و هي تحاول ترسم بسمة باهته دخل ( ليث ) و عيونه تدور عليها هي و بس .. كأنه شاف ما شاف غيرها طول اليوم . رمى غترته على الكرسي و قرب منها و همس بصوت مليان تعب : تدرين يا خولة .. لو يلفون حولي الف وحدة و لو يمتلي هالبيت بغيرج .. تظلين انتي اللي بقلبي .. و الباقي والله هم الا كمالة عدد نظرت له خولة و عينها غرقانة بالدموع " دامني الاساس يا ليث ليش قلبي كل ليلة يحترق بالغيرة نتهش في ضلوغي سكت ليث , خد يدها بين ايده بقوة كأنه يبغي يثبت لنفسه قبل يثبت لها ان الاصل واحد و البقية مجرد ... صورة في برواز حياته ..