Dalawang taon. Iyon ang panahong ginugol ni Avery "Avi" Jaden Aydallia para kumbinsihin ang sarili na kaya na niyang huminga nang wala si Tyler Mavis Illustre. Akala niya, ang paglayo ay paglimot. Akala niya, sapat na ang panahon para hindi na muling matunaw sa isang tingin lang nito. Ngunit sa pagbabalik niya sa Pura, sinalubong siya ng katotohanang hindi niya takas ang nakaraan. Isang utang na kailangang bayaran, anim na linggong sapilitang pagsasama, at isang malupit na deadline. Dahil sa loob ng dalawampu't anim na araw, magiging pag-aari na si Tyler ng iba. "Kung may dahilan akong dapat manatili, sabihin mo." Isang text. Isang sagot na huli na nga ba talaga?

Hindi lahat ng dumadating, dapat pinipigilan. At hindi lahat ng umaalis, kaya mong kalimutan. Si Zaphne Alisah Aguilar, sanay sa tahimik na buhay sa Batanes-simple, kontrolado, at walang puwang para sa kahit anong komplikasyon. Hanggang sa dumating si Ashriel Villanueva-isang estrangherong may sirang motorsiklo, dalawang linggong pananatili, at ngiting parang kayang gawing okay ang lahat... kahit hindi naman. Pero ang dalawang linggo, hindi laging nananatiling dalawang linggo. At ang mga taong dapat panandalian lang, minsan sila pa ang nagiging dahilan kung bakit gusto mong manatili. Sa pagitan ng hangin, ulan, at mga bagay na hindi kayang ipaliwanag-may mga kwentong hindi mo planong simulan. At may mga pagmamahal na kahit alam mong matatapos... pipiliin mo pa rin. Dahil minsan, bago dumating ang ulan- may bahaghari munang magpapaniwala sa'yo na sulit ang lahat.