"Tanging bala ko ang magiging hudyat ng kamatayan mo." ~Elvino Manansala. Sampung taong nakulong si Elvino Manansala sa kasalanang hindi niya ginawa. Tiniis niya ang lahat ng hirap hanggang sa dumating ang kaniyang pagkalaya. Sa kabila ng mahabang panahon ay hindi pa rin nakakalimutan ni Vin ang masalimuot na nangyari sa kaniyang buhay. Nais niyang bawian ang pinakapuno't dulo ng lahat ng ito, walang iba kundi ang kaniyang noo'y matalik na kaibigang si Kennedy Sanchez. At nais niya itong hatulan ng kamatayan gamit ang balang matagal niyang pinaghandaan.