کاتێک 'دڕندەکان' دەسەڵاتیان گرتە دەست، تەنها چەند هەفتەیەکی کورت بەس بوو تا شکۆی مرۆڤایەتی خاپوور بکەن. ئەوانەی لە مەرگ ڕزگاریان بوو، بوونە دیلی چارەنووسێکی تاڵ و ناچار کران تەمەنیان لە خزمەتکردنی شاهانە دڕندەکاندا بەسەر بەرن. ئەدێلین، نامۆ نەبوو بەم ژیانە؛ ئەو تەمەنێک بوو لەناو دڵی کۆشکەکاندا وەک خزمەتکارێک دەژیا. بەڵام کچێکی بەختەوەر بوو، چونکە لەژێر سایەی پاشا ڕیچارددا گەورە ببوو-فەرمانڕەوایەکی میهرەبان کە هێشتا چاوی بەزەیی بەسەر مرۆڤە ماندووەکانەوە مابوو. بەڵام لە لایەکی تری جیهانەوە، پاشا هێلۆیکس حوکمی دەکرد؛ پیاوێک لە ڕەگەزی سێبەر و دڵڕەقی. ئەو نەک هەر بۆ مرۆڤەکان، بەڵکو بۆ هاونەتەوەکانی خۆشی تەنها تەمومژی مەرگ بوو. دەنگۆکان دەیانووت خزمەتکارانی ئەو کۆشکە لەسەر بچووکترین لادان سێدارە دەدرێن، و مانەوە لەوێ بۆ ماوەی ساڵێک، وەک بەدەستهێنانی ژیانێکی نوێ وابوو. ڕۆژێک دێت، ئەدێلین پێ دەنێتە ناو جیهانی تاریک و پڕ لە ترسی پاشا هێلۆیکسەوە. تەنها یەک نیگا بەسە تا پاشا درک بەوە بکات کە ئەم کچە نامۆیە، کلیلە شاراوەکەی ژیانی ئەوە. ئایا وەک 'شاژنی دڵی و هاوبەشی ژیانی' باوەشی بۆ دەکاتەوە، یان بە دڵڕەقییەکی ئەبەدییەوە ڕەتی دەکاتەوە؟ پاشا&خزمەتکار