رغم انفي انا المدعو إيهاب معوض.. ارجوكو بلاش تشتروا الكتاب ده وهاقولكوا ليه : بيربيطني بهبه السواح معرفه قديمه تزيد عن اربع سنين . دائما كنت بالجأ ليها مع كل كتاب بعمله ،واضحك عليها بعلبه شوكولاته عشان اخد منها ماده علميه اغذي بها الكتاب بتاعي من منطق انها متخصصه واخده الموضوع بشكل علمي،ودرس على ايد اكبر المتخصصين في العالم؛زي دكتور جون جاري وجون جوتمان،وغيرهم. المهم؛كان دايما يقوم بيني وبينها خناقات_هي تقول انت كاتب مجهول المصدر،وانا اقول لها انت شويه معلومات متبعترين،لحد ما جالها احباط وسخنقت مني ومن البلد وقررت تهاجر كندا! تخيلت انا بقى اني خلاص خلصت منها.. لحد ما من شهرين بالتحديد بعتت لي (‏pdf) للكتاب ده ومعاه ايموشن مطلع لسانه!! قريت الكتاب واتصدمت!! هار ازرق !! انتي الي كاتبه ده يا هبه ؟ خراب بيتك يابو إيهاب ،ده كتاب بجد ! ماده علميه متكمله وحديثه ،أسلوب احترافي ،خفه دم وحضور وأثارة وتشويق ،فكره عمرها ماتخطر ببال حدا ازي قدرت تعمل من اسطوره سندريلا قصه واقعيه بتعيشها كل بنت وامراه النهارده؟ازاي قدرت تدوس الماده العلميه والنصيحه والحل بمنتهى المكر وخفه الروح ..ومن غير ما تحس اي بنت انها قاعده قدامها بتتعلم ازاي تفهم نفسها وتدير حياتها ..ازاي تعرف هي مين وعايشه ليه ازاي تعرف تحقق التواز