من يقول إن النور لاغاب رجع ؟ ومن منّا يضمن مشاوير الطريق ! وحتى الصياد لو قضى ليله سّهر يجمع بين شبّك ومغارات الموج عودّ التيّار ولا رجع وخيب آماله والوعود وباتّ ليله طوله سّهر يتحرى شمس العُمر غاب العُمر وانطفأ قنديل الآمل وانجلت انوار العُمر مابه ضياء الا المَنار .. مابه امل ولا شوك هدب لا تنتظر الا المَنار .. ماقال لك فوق خط الوريد ؟ عهدًا عليّ وخل الليالي تموت بحرّها والله ما اتنازل ولي رآي عنيد لين أداعب غُرة النور و الثم خدها ياقصيد كان الأشعار سادات و عبيد والله انك من بحور غريب جدها .. ------ كيف أطفي الريح بثيابك وكيف اشعلك كيف اتنثر على جمرك وكيف احتويك نقضت ليل الحرير وجيت ما أنت لهلك سمّيت باللي فتني بك وقلت ابتديك هذا اول الدرب او هذا الطريق اولك جيت آتوقّا عذابات المدى ..واهتديك شوقي مسافة وهمساتك مدار وفلك ان ماظميتك غلى ..ياعلني ماارتويك إية اعرفك واعرف اني من غلاك اجهلك مرات اضمّك واخاف اني مشبة عليك مرات اشوفك بنفس الوقت واتخيلك وانشد كفوفي عن اخر سالفة من يديك أعنّ لك لو تصّب الموت ...واتهيّلك واجوع لك وآتمنى خنجرك واشتهيك ماقلت لك عمر سيف العشق مايقتلك ماتشوفني حي قدامك وانا اموت فيك! اشتقت لك قبل اجيك وجيت واشتقت لك البارحة طول ليلي بين هذي ..وذيك مليت جمر انتظارك واستحيت أسألك

بقلم أنفاس قطر

رواية سعودية غار الغرام للكاتبة نبض افكاري منقووولة نبذة عن الرواية: اشهقت برعب واهي تشوف الجمس الاحمر جايها من بعيد وبدون اي تفكير استدارت بسرعه وانطلقت تركض بكل قوتها تعلقت عيونها بالجبل قدامها واهي تحس انه بعيد بعيد ابعد من قدرة ارجولها على الركض زادت سرعتها اكثر تحس قلبها بيطلع من حلقها من كثر مايخفق نفسها يركض معها ....تسمع صوت الهواء يدخل ويطلع من صدرها بصوت ......المكان حولها خلا خالي وين مالتفتت ماتشوف الا صحراء ممتده واشجار منتثره وماقدامها الاجبل شامخ يذكرها بشموخ ذاتها الي تحس انه بدا ينتثر من روحها ويختلط بالحصى الي يهرب من تحت ارجولها من قو وقع خطواتها الراكضه بسرعه مجنونه عليه ماكانت تعرف ان هذي السرعه مسجله ضمن قدرات جسدها الي اجتمع فيه ضدين السقوط لهاويت التعب والانفجار نحو قمة النشاط!!..... تركض على الارض الترابيه الخشنه المختلطه بالحصاء الصغار بصعوبه واهي قيدها دخلت احدود الجبل تلتفت تدور الجمس وين راح شافته صار اقرب من قبل تركض اكثر اه اه اه .......يارب ....يارب ...يارب تحميني قالتها واهي تشهق ببكاء هستيري ....اه اها اه ااااه يارب استودعتك نفسي يارب تحميني يارب اختلط بكاها بدعواتها بصوت انفاسها الي تركض داخل صدرها واهي مستمره تبكي وتشاهق وتدعي عيونها ماعاد تشوف ابها