" مش هعمل العملية إلا على إيديك يا حمزة ويا كده يا بلاش " هتف باستنكار هامس: " إنتِ واعية لكلامك ده؟؟ " ابتسمت ببرود قائلة: " ايوا واعية جدًا.. مش هقبل بغيرك يعملي العملية " أمسك بذراعيها يهزها بعنف وقد أثارت كلماتها غضبه: " إنتِ مجنونة عايزاني أعملك العملية إزاي؟؟ ده أنا لسه متخرج ومعرفش حاجة في الشغل، عهد أنا بقيت دكتور بالبركة فمتتوقعيش مني أوافق على الهبل اللي بتقوليه ده " أصرت على قرارها مردفة: " أنا قولت اللي عندي، وافقت كويس موافقتش كويس بردو "

تلك الروابط التي بدت قوية، بدأت تتصدع... حينما سيطرت عليها النوايا الخبيثة وباتت عائلة تحكمها الأسرار الخَفية والصراعات الداخلية ما بين خير وشر! فهل يمكنهم الصمود أمام مواجهة تلك التحديات لحماية ما تبقى من عائلتهم عندما تتسارع الأحداث وتهدد العلاقات بمزيد من التوتر..!! ـ وجُوهٌ مُزْدَوِجَةٌ.. ـ حسناء محمود