ALON SA BUHANGIN Bumalik si Isla Felicia Garcia sa tabing-dagat na hacienda ng kanyang tiyahin para sa isang buwang pamamalagi-ang huling pagtakas bago siya tuluyang itali sa isang kasalang hindi niya kailanman ginusto. Ngunit hindi lamang ang dagat ang naghihintay sa kanyang pagbabalik. Naroon si Kael Dela Merced. Ang kanyang pinsan. Ang una niyang minahal. Ang lalaking minsang nangakong mananatili sa kanyang tabi habambuhay-bago siya mawala nang walang anumang paliwanag. Sampung taon na ang nakalipas mula nang iwan ni Isla si Kael, naniniwalang ang pananahimik ang tanging paraan upang protektahan ang pag-ibig na ipinagbabawal nilang dalawa. Hindi niya inakalang ang kanyang paglisan ay magpapalit sa dating init ng pagmamahal tungo sa isang malamig at mabigat na sugat na hindi kailanman naghilom. Hindi na ang dating Kael ang kanyang muling makakaharap. Isa na siyang disiplinado, kontrolado, at tila walang pakialam na lalaki. Ngunit sa likod ng kanyang malamig na anyo ay nananatili ang lalaking hindi kailanman tumigil sa pagmamahal kay Isla-at hindi rin nakalimot sa sakit ng pag-abandona. At ngayon, nagbalik na siya, Ngunit hindi kayang pagalingin ng panahon ang mga pusong minsang nasugatan. Sa halip, ginawa lamang nitong mas mapanganib ang lahat. Dahil may mga pag-ibig na hindi dapat nabubuo. At may mga damdaming kahit gaano katagal ibaon ay muling babangon sa sandaling magkita ang dalawang pusong hindi kailanman tunay na nakalimot.

"Before the sand met the wave, fire consumed the water." Apoy sa tubig. Si Lucita, isang ulilang lumaki sa ilalim ng ibang pangalan at ibang pagkatao, ay dinala sa Hacienda Gracia upang magsimula ng bagong buhay. Sa likod ng marangyang mansyon at ngiti ng pamilyang kumupkop sa kanya, may mga lihim na matagal nang nakabaon sa pulang lupang kanilang tinatapakan. Sa kanyang unang araw, muntik siyang lamunin ng malalim na batis-ngunit iniligtas siya ng isang lalaking may malamig na abuhing mga mata at katahimikang kayang guluhin ang kanyang puso. Si Ezikel Dela Merced, ang tahimik at mailap na rancherong kinatatakutan at iginagalang ng buong hacienda, ay matagal nang natutong mabuhay nang mag-isa. Ngunit nang dumating si Lucita, unti-unting nagising ang mga damdaming matagal na niyang ikinulong. Habang dahan-dahang nabubuksan ang mga lihim ng Hacienda Gracia, natuklasan nilang pareho silang nakakadena sa mga kasalanang hindi nila ginawa at mga pangakong hindi nila pinili. Ngunit paano mamumukadkad ang pag-ibig kung ang isa ay parang tubig na laging umaagos palayo, at ang isa nama'y apoy na handang sunugin ang lahat para manatili? Sa isang lugar kung saan ang bawat pader ay may lihim at ang bawat puso ay may sugat, sapat kaya ang pag-ibig upang baguhin ang itinakdang kapalaran? Dahil bago pa man mahugis ng alon ang buhangin, nasunog na ng apoy ang tubig na minsan nangahas maniwala.

After the sand joins the wave, will the fire melt the cold, or will the cold extinguish the fire? Init sa lamig. Si Liam Dela Merced anak ng dalawang puwersang magkasalungat. Si Kael, ang buhanging matigas at tahimik, at si Isla, ang alon na malaya at walang tigil. Lumaki siyang malamig, kontrolado, at sanay magtago. Mas madaling manatiling matigas kaysa magpadala sa daloy. Pero dumating si Mira ang apoy na hindi natitinag sa lamig niya. Kung si Liam ay buhanging ayaw gumalaw, siya ang alon na pilit humuhugis sa kanya, at ang apoy na ayaw mamatay. Ang tanong ng kwento nila: "Matutunaw ba ang buhangin sa init ng alon?" "O matutuyo lang ang alon sa lamig ng buhangin?"

"Before the wave touched the shore, everything forbidden had already begun." Alon sa dagat. Tumakas si Isabella Elara Monteverde mula sa sarili niyang hacienda at itinago ang kanyang tunay na pagkatao. Sa kanyang pagtakas, napadpad siya sa Hacienda De Vera kung saan nakilala niya ang isang dalagang halos kapareho niya ng mukha. Dahil sa kanilang nakapagtatakang pagkakahawig, napilitan siyang magpanggap bilang si Luciana De Vera sa loob ng isang buwan. Simple lang sana ang kasunduan. Maging si Luciana habang ito'y tumatakas kasama ang kasintahan nito. Ngunit nagulo ang lahat nang makilala niya si Alejandro Garcia-ang lalaking nakatakdang pakasalan ni Luciana. Habang unti-unting nahuhulog ang loob nila sa isa't isa, mas lalong nagiging mapanganib ang kasinungalingang kanilang kinabibilangan. Dahil paano kung ang babaeng minahal ni Alejandro ay hindi pala ang fiancée na ipinangako sa kanya?