Tahimik na ang buhay ni Elle kung tutuusin, pero bakit parang hindi niya magawa ang lahat ng gusto niya? At eto, may nagbabalik: si Rowee. Si Rowee na best friend niya, nagkaroon ng problema kaya ayun, makikituloy. Makikituloy pansamantala. Pero what if kung ang pansamantala, magiging pansamantagal? Pa'no kung may mga nangyari na - mga bagay na sinubukan nilang kalimutan, mga hindi masabi, mga piniling tinago at ayaw na nilang harapin? Gaano kaya katagal ang "pansamantala" kapag hindi mo na rin kayang pakawalan at sabihin? Magiging pansamantagal kaya?