ACCIDENTALLY YOURS, HOPELESSLY MINE Si Aria ay isang certified overthinker, self-proclaimed "limited edition," at eksperto sa pag-iwas sa gulo-hanggang sa isang baso ng mainit na kape ang aksidenteng maglagay sa kanya sa gitna ng dalawang lalaking hindi niya kailanman inakalang magiging parte ng buhay niya. Sa isang simpleng araw sa library, isang maling hakbang at natapong kape ang naging simula ng lahat. Sa isang tabi ay si Drake Palma, ang campus charmer na palangiti, palabiro, at parang walang ibang ginagawa kundi mang-asar at mang-flirt kay Aria. Sa kabilang tabi naman ay si Jett, ang misteryosong bad boy na laging mukhang galit sa mundo-pero sa likod ng malamig niyang tingin ay isang taong tahimik na nag-aalala at palihim na pinoprotektahan si Aria. Hindi naman naghahanap si Aria ng pag-ibig. Ang gusto lang niya ay tahimik na buhay, mataas na grades, kape, at ang kanyang paboritong notebook. Pero paano kung ang dalawang lalaking pilit niyang iniiwasan ang siya ring dalawang taong unti-unting nagpapabilis ng tibok ng puso niya? Habang si Drake ay laging handang magpatawa at magparamdam, si Jett naman ay tahimik na nagpapakita ng pagmamalasakit sa paraang hindi niya kayang sabihin. Sa pagitan ng mga aksidenteng pagkakadikit ng kamay, selos na pilit itinatago, late-night conversations, at mga damdaming hindi kayang i-overthink palayo-unti-unting malalaman ni Aria na minsan, ang pinakamagandang love story ay nagsisimula sa pinaka-walang kwentang aksidente. Pero sa huli, sino ang pipiliin niya? Ang lalaking palaging nagpapangiti sa kanya? O ang lalaking tahimik na pinipiling manatili sa tabi niya? Dahil minsan, hindi mo kailangang hanapin ang pag-ibig. Minsan, aksidente mo lang itong matatapunan ng kape.