අසම්මතේකිනුත් අසම්මතයක් උන අපේ ආදර කතාව දැන ගන්න ඔයත් එකතු වෙන්න

දන්නවද පණ, බහුතරයක් දුඹුරු පාට ඇස් අස්සේ නිල් පාට ඇස් වගේම කොළ පාට ඇස් දකින්න පුලුවන් වුනත්... අළු පාට ඇස් කියන්නෙම හුදෙක් අහම්බයක් වග... ඒ අතරිනුත් ඔයාගේ ඔය තද අළු පාට ඇස්. ඒවා මායාවක් වගේ සැරෙන් සැරේ මගේ ඇස් මානෙට ඇවිත් මාව ඔයාගේ නමටම ලියා ගත්තේ ආයේ ගැලවීමක් නැති වෙන්නමයි. නිල් පාට ඇස් වලට සමනල්ලු පවා ආකර්ෂණය වෙද්දී, කලු පාට ඇස් මුහුදේ තියෙන ගැඹුරුම රහස් පවා දැනගද්දී, කොළ පාට ඇස් කවි ලියන කතා ලියන රස්තියාදුකාරීන්ව පිස්සු වට්ටද්දී, දුඹුරු පාට ඇස් දිව්‍යලෝකෙට යන්න පාර පෙන්නුවත්. කැලික්ටස්ට අමතක වුනාද, අළු පාට ඇස් කියන්නෙම දරාගැනීම් ගොන්නක සංකේතය කියන්න. මේ තිවේන් අනුත්තරගේ කලු පාට ඇස් ඇතුලේ හැංගිලා තියෙන ගැඹුරුම රහස් පවා දරාගන්න පුලුවන් වුනේ ඒ අළු පාට ඇස් වල අයිතිකාරයට විතරමයි.

මැරෙන්න හිතෙන වෙලාවට අල්ලන් ඉන්නේ කොහොමද කියලා මට කියලා දෙන්න පුල්ලුවන්ද? ඔව්, මටත් දැන් මැරෙන්න හිතිලා තියෙන්නේ.

"ස්කෝලේ නීති එක එක විදිහට කඩපු උබලට. ඒවා රකින්න විදිත් වෙනමම කියලා දෙන්න ඕන නෑනේ. කවුරු කොහොම බයිලා ගැහුවත්, මන් දන්නවා... වැටිලා තියෙන මේ ස්කෝලේ ගොඩ ගන්න පුලුවන් උබලටම තමයි කියලා. අද ඉදන් මේ ප්‍රින්සිපලුත් උබලට යටයි කොල්ලනේ. ඉතින් මන් බලාපොරොත්තු වෙනවා උබලා ප්‍රිෆෙක්ට්ස්ලා විදිහට ඉන්න මේ මාස ගාණ ඇතුලත උබලට ලොකු වෙනසක් කරන්න පුලුවන් වෙයි කියලා. මේ ගෙවන්නේ මගේ සේවා කාලේ අන්තිම මාස ටික දරුවෝ. ඉතින් මට ඕනා යන්න කලින් මේ ස්කෝලේ පිරිහිලා තියෙන නම පිරිසිදු කරලා අලුතෙන් ස්කෝලේ භාර ගන්න එන සර්ට බාර දෙන්න. මොකද මේ ස්කෝලේ භාර ගද්දී මට දැනුනු හැගීම ඒ සර්ට දැනෙන්න හොද නෑ දරුවෝ. අවුරුදු නමයක් මම මහන්සි උනා. ඉතින් මේ මගේ අන්තිම උත්සහය... මම හිතනවා, මේ පාරවත් මට බලාපොරොත්තු තියාගන්න පුලුවන් වෙයි කියලා."