«هەمووان وایان دەزانی ئەو تەنها کوڕێکی سارد و بێدەنگە کە لە گۆشەی قاوەخانەکەدا بە تەنها مۆسیقا دەژەنێت... منیش وام دەزانی تەنها بە دزییەوە وێنەی چاوە پشیلەییەکانی و چاڵە غامزەکەی سەر ڕوومەتی دەکێشم. بەڵام شەوێکی باراناوی، کاتێک دەفتەری وێنەکێشانەکەم بە ڕێکەوت لەبەردەمیدا کرایەوە، هەموو شتێک سەرەوژوور بوو! جۆنگوۆن بەو زەردەخەنە بکوژەیەوە بڕییە ناو چاوە ترساوەکانم و گوتی: - 'نەمدەزانی لە ڕاستیدا هێندە سەرنجڕاکێشم... بەڵام پێموایە لەم وێنەیەدا شتێکی گرنگت بیرچووە، رین.' پرسیم: 'چی؟' کەمێک لێم نزیک بووەوە، هێندە نزیک کە بۆنی فێنکی بارانی لێ دەهات و چرپاندی: - 'بیرت چووە ئەو کچە بکێشیت کە هەمیشە لەم گۆشەیەوە سەیری دەکەم... ئەو کچەی کە بووەتە هۆکاری ئەم زەردەخەنەیەم.'» 🔗 چیرۆکێکی نوێی ڕۆمانسی و پڕ لە نهێنی دەربارەی جۆنگوۆن (ENHYPEN). ✍️ نووسینی: رین