ჩაჰბერე სული ბაბუაწვერებს თუმცა თავად ნუ დაიხრჩობი მათით

მკვდართა მდუმარე ზღვაში იმ ერთადერთის ნაცნობ სუნთქვას ეძებდა ყოველი პირქვე დამხობილი სხეული შიშის ზარს სცემდა გვამთ შორის მძრწოლვარეს ოღონდ ის არ იყოს, ოღონდ იქ არ იყოს და იყოს ყველგან სადაც სიკვდილი ვერ აღწევს სასოწარკვეთისა და სიგიჟის ჟამს, როცა გული ფეთქვას წყვეტს ყოველ მსგავს ნიშანწყალზე იმ ერთისა სული კი სასოწარკვეთილი გარეთ გამოღწევას ლამობს აღარაფერი რჩება გასაკეთებელი გარდა ლოცვისა ლოცვისა რომელიც იქნებ გვიანია ან იქნებ არცაა საჭირო ან იქნებ...

არც არაფერი

ყველაფერი რაც ოდესმე მდომებია შენ იყავი