روايــة باللـهـجـة الجــزائـريــة. نبان فرحانة و زايدة في عايلة لباس بيها ، مي عمري ولا حسيت بالأمان و المحبة تع العايلة ، كنت وحدي مالغري عايشة معاهم . والفوني الطفلة العاقلة لي ما تهدرش و ما تعترضش على كلمة باباها علابيها خيرو يزوجوني بالسيف لواحد ما نعرفوش واحد غي تع شراب و سهرات. مي ما كانش علابالي بلي هو لي غادي يكونلي العوض و لي يبدلي حياتي و يرجعها جنة . بصح الماضي تاعي و سر تاع العايلة لحقني و خلاني نكتشف بلي كنت عايشة في كذبة كبيرة ... 𝑁𝑎𝑑𝑎 ♡ 𝑦𝑜𝑢𝑠𝑠𝑒𝑓 ♡ 📌-لا يــســمـح بــالنــشــر أو الإقــتـبـاس دون إذن الكــاتــبــة- الكــاتـــبــة:la_mino

سلام حبيباتي غالياتي هاذي لكرونيك لي قتلكم عليها نتمنى تعجبكم #أوهمتها_بالحب_و_تزوجتها_للإنتقام 💔 أبطالها سيليا&رؤوف 💏💏 كرونيك تحححححفة فيها الكره😫 الحقد😡 فيتحولون الى الغيرة😙 الحب💏 و الرومنسية😍😍 شرارة حقد اطفأها العشق 💏 #الحلقة_الأولى هبطت طيارتها من اسطنبول على 2 تاع العشية خرجت لقات بنت عمها تستنى فيها فرحت بشوفتها باستها و ركبت راحت معاها وصلو لفيلا كبيييرة دخلت لقات العايلة كامل ملمومة يستناو يشوفوها بعد كل هاذو السنين عند الباب شافت جداتها رمات الساكودو الي كان معلق في ظهرها و راحت تجري باستها دخلت فرحو كامل بشوفتها هاذو سنين ماشافوهاش سيليا طفلة كرمها ربي الزين بيضة شعرها شاتان رايح للأصفر عينيها خضورا و مشفرين عندها طاي تقتل طاي حوتة في عمرها 19سنة عايشة فالترك مع يماها باباها و يماها مطلقين كي كان في عمرها 4 سنين و نص جداتها : ياه يا بنتي لوكان ماشي عرس بنت عمك مانشوفوكش ؟ سيليا:ههههه و الله توحشتكم بزااف هاذي مدة و انا نحوس نجي و الله غالب القراية و مانحبش نخلي ماما وحدها الجدة: واش راها يماك ؟ سيليا: لاباس الحمدلله تسلم عليكم كامل الجدة (انقهرت): يماك كانت بنتي الي ماجابتهاش كرشي الله غالب باعد الي صرا ... سيليا: معليش ماني كلش مكتوب ... هيا ورولي وين نحط قشي هههه رهف (