وصف الرواية مو كل قلب يلقى نصيبه اللي يشبهه.. بس إذا لقاه، خلاص، يكتفي ويقفل بابه عن الكل. في بيت جدي "جابر"، الحياة غير؛ يومنا ما يكمل إلا بضحكة، وسوالف، و"هواش" خفيف، ولمّاتنا اللي ما تنتهي. حنا عائلة وحدة، عيال العم مثل الإخوان، والبنات بينهم أسرار وضحكات ما تخلص. بس وسط هالدوشة والزحمة، كان فيه قلبين ما كانوا حاسين إن القدر قاعد يجرّبهم من بعض شوي شوي. "عقاب".. العسكري اللي ملامحه جامدة، ونظراته حادة تخلي الواحد يحسب ألف حساب، كتم كل مشاعره ورا قلبه وما يبي أحد يعرف وش يدور في راسه. و"سمر".. ذيك البنت اللي جمالها غير، بسمارها الطبيعي وشعرها الكيرلي اللي يجنن. ورغم إنها واجهت كلام الناس وتنمرهم، إلا إنها كانت أقوى منهم، تمشي بابتسامتها وتثبت إن الجمال الحقيقي ينبع من روحها. بين مواقفنا العائلية، والمزح اللي ما ينتهي، والغيرة اللي بدت تبين، والمشاكسات اللي تقرّب القلوب.. تبدأ قصة حب ما كانت على البال ولا الخاطر. قصة تثبت إن القلب، مهما حاول يقاوم ويقسى، في الأخير ما يميل ولا ينبض إلا للي انكتب له من قبل.