تۆڵە نەفەسی لێبڕیبووم، تا ئەو چاوە سەوزانەم بینی. ئایا ژین دەبێتە قوربانی دوا فیشەکی ڕق یان سەرەتای عەشقێکی مەحاڵ؟ #قوربانیی_شەرەف"

چیرۆکەکە لە خۆشەویستییەکی بێدەنگ و بێگەردەوە دەست پێدەکات؛ کچێک کە دڵی لەگەڵ هەموو لێدانێکدا ناوی کوڕی جیرانەکەیان دەهێنێت. بەڵام ژیان هەمیشە بەو شێوەیە ناڕوات کە ئێمە دەمانەوێت. شەوێکی ڕەش، باوکی کچەکە لە یارییەکی قوماری شوومدا هەموو شتێک دەدۆڕێنێت. کاتێک درک بەوە دەکات کە فێڵی لێکراوە، کۆنتڕۆڵی خۆی لەدەست دەدات و پیاوی فێڵباز دەکوژێت، پاشان لە ترسی سزا و لۆمەی کۆمەڵگە، چەکەکە ڕوودەکاتە خۆی و کۆتایی بە ژیانی خۆی دەهێنێت. بەڵام مردنی باوکەکە نابێتە کۆتایی کێشەکان، بەڵکو دەبێتە دەستپێکی دۆزەخێک بۆ خێزانەکەی. ماڵی کوژراوەکە بۆ پاککردنەوەی خوێنی کوڕەکەیان و تۆڵەسەندنەوە دێنە سەر ماڵی کچەکە. ئەوان داوای بڕە پارەیەکی خەیاڵی دەکەن کە ئەم خێزانە بێدەسەڵاتە هیچ توانایەکی دابینکردنیان نییە. لەبەرامبەر ئەو پارەیەدا و وەک باجی خوێن، بڕیارێکی دڵڕەق دەرکەن: بردنی کچەکە! بەڵام چیدەبێ کاتێک دەردەکەوێ کە باوکی کچەکە کوڕی ئەو خانەوادەیەی نەکوشتوە؟؟