جيل بعد جيل .. يولد حبا جديد يواري خبث العادات و التقاليد بين نهوة و فصلية هدية و دية اولاد ضحية وشيوخ ظالمة لا تجد للإمور حلاً غير السلاح .. من العراق وعلى ارض السماوة اقدم لكم (كحل عرب )

بيت مهجور .. ليل حالك بالسواد و صوت المطر برا اشتد گمت للشباك فتحته ، المطر عالي غمضت عيوني بخوف اثناء ما چان البرق محتل السما سديته بأيد ترجف مشيت بخطوات هادئة للباب دگيته واني اعرف ان ماكو احد عيني صارت ؏ الحبال الچانت مربوطة بيها ايدي ضوة الغرفة خفيف ، الخنگة الي حسيتها بالمكان ، هدوء ينذرني بالعاصفة الجاية و انامل مرتعشة بكل ما تملك من قوة ذاكرة مُتعبة و تفاصيل مستحيل انساها رجعت لمكاني النفس گوة اجره .. حضنت راسي بين رجلي و اني اتذكر الي صار والجابني هنا ما اعرف شگد مر وقت من نزيت ؏ شعور المي الي بلل وجهي وجوههم ، اشكالهم ، الآلات الحادة الشايليها بيدهم و صوت ضحكاتهم بنذالة متشفين ببچيي و توسلاتي احس بلاعيمي تشخطن من الصراخ واني اشوفهم يقربون اداة حادة تفتر بسرعة صارت قريبة من اصابع ايدي اتوسل بيهم وابچي متهسترة اهز براسي برعب واصرخ : لاااااااااااااااااااا دخيلكم لااااااا ساعدونييييييييييي لحگوليييييييي وينچ يمممممة يااااااااابة الحگونيييييي راح امووووووت انتهيت من البچي اريد ابعد ايدي عن السچينة اميل بروحي جسمي ينكث خوف صحت : وتتتتتتتتتتت .. بعدني ممكملة اسمه صار صوت انفجار كلش قوي عيوني ثگلن سديتهن تشاهدت على روحي ثواني مميته قبل لا يوصلني آخر صوت چنت اتوقع يجيني!!

‼️مِــحتُـوُى جَريـئ جَدآً مِــتُـبّـريــة مِــن ذنــوُبّـكَمِ‼️ [القــصــة بّــلَهِجَة الَعـــراقـيــة عـــامِــيــة وُالَفــصـحى]