"နင့်လို စိတ်ရော လူရော ယုတ်မာ အောက်တန်းကျတဲ့ကောင်ဆီက ဘာမှ မမျှော်လင့်ထားဘူး... ဒီအလုပ်က ထွက်ဖို့ တွေးပြီးသားပဲ...မိန်းမတစ်ယောက်ကို သိပ်ကြောက်မနေနဲ့ ...မိန်းမလိုမိန်းမရကောင်ရဲ့... " "ထက်ထက်အောင်....တောက်...." ထက် လမ်းဘေး ပလက်ဖောင်းပေါ် တက်လျှောက်တဲ့အထိ ကားက ထွက်မသွားသေးပါဘူး။ "ခလွမ်...." သူ့ကားထဲက ခြင်းတောင်းလေး အပြင်ကို လွင့်ပျံလာလို့ ထက် လန့်ဖြတ်ပြီး ပခုံးကျုံ့ရှောင်လိုက်ရသည်။ ကော်ဖီဘူး က အဖုံးတခြား ကိုယ်တခြားဖြစ်သွားပေမဲ့ နှုတ်ခမ်းကိုက်ကာ ကောက်ယူပြီး အားကုန်လွှဲပေါက်လိုက်မိသည်။