ڕاکردن لە دۆزەخ ئاسان نییە بەتایبەتی کاتێک کەسێک دووبارە ڕاتدەکێشێتەوە بۆ ناو هەمان دۆزەخ ​شەڕانگێز چاونەترس و هەمیشە بە جلی تاریکەوە فرێیا ئەستەمە وەک خانمێکی شایستە دەربکەوێت لەلایەن باوکییەوە شاردرابووەوە و ژیانێکی ئاسایی ژیاوە سەرەڕای ئەوەی لەناو ئاوە تاریکەکانی جیهانی تاوانکاریی نیویۆرکدا لەدایکبووە ​ئەو تۆرێن سارد دڵڕەق و حسابکەرە، و ئارەزوویەکی زۆری بۆ وێرانکاری هەیە تەنانەت پیاوە بەدەسەڵاتەکانی مافیاش لێی دەترسن تۆرێن سەرۆکی فاسدترین ڕێکخراوی تاوانکاریی ویلایەتەکەیە ​فرێیا ڕقی لە ڕەفتارە بێپەرواکان و خاوەندارێتییکردنی ڕادەبەدەری ئەوە بەڵام ناتوانێت ئینکاری لەوە بکات کە چۆن هەناسەی دەوەستێت بە دەستلێدانە زبرەکەی دەنگە قووڵەکەی و بڕوانینە تاریک و گەرمەکەی ​تۆرێن ڕقی لە یاخیبوون بێباکی و پشێوییەکانی فرێیایە. بەلای ئەوەوە فرێیا تەنها مەخلوقێکە کە دەبێت دەستەمۆ بکرێت دوای ئەوەی ئەڵقەیەک دەکاتە پەنجەی و داهاتووی لێ زەوت دەکات فرێیا تەنها یەک پەیمان لەگەڵ خۆیدا دەبەستێت ئەویش ئەوەیە ببێتە گەورەترین ئەشکەنجە لە ژیانی تۆرێندا Toren & freya Written by: onnerra... دەسپێک 28\7\2026 کۆتای 25\8\2026

هەندێک برین هەن تەنـیا خـوێنیا لێ ناچۆرێت بـەڵام هەتــا دوا هەنـاسەی مرۆڤ ئــازارەکە لــەناخیاندا دەژی لە پشت دەرگایەکی داخراودا پیاوێکی پیر ساڵانێکە لەگەڵ یادەکانی خۆی دەژی یادی ئەو ڕۆژە ڕەشەی کە لە چرکەساتێکدا ڕوداوێکی هاتووچۆ هەموو جیهانی لێ ڕووخاو خێزانەکەی لەدەست دا و لەگەڵ تەنیایییەکی بێدەنگ بەجێما کچێکی تەمەن چواردە ساڵی هەڵگرتەوە و وەک کچی خۆی لە باوەشی گرت بە تەواوی هەوڵی دا ئەو کچۆڵەیە هەرگیز هەست بە بێکەسی نەکات بەڵام ژیـان هەمیشە بە دڵی مــرۆڤ نــابــێ لە پشت زەردەخەنەکاندا سایەی قەرز و تەنگانە هێواش هێواش گەمارۆی دا تا ئەوەی بەردەوامبوونی ئەو قەرزانە مرۆڤێکی شکان و بێهێزی دروست کردلە ساتێکدا کە هەموو دەرگاکان لەبەردەمی داخرا بڕیارێکی هەڵبژارد کە هەرگیز نابەخشرێتەوە بڕیارێک کە بەقیمەتی دڵێکی بێتاوان تەواو بووئەو کچەی ڕۆژێک بە ناوی خێزان ئارامیی دۆزیبوو لە چرکەساتێکی تر دا تێگەیشت هەندێک جار ترسناکترین شکان لە لایەن دوژمنەکانیەوە نایەت بەڵکو لە دەستی ئەوانەوە دێت کە بە خێزان ناودەبرێن ئەمە چیرۆکی ئەوە نییە کە کێ تاوانبارە؟ بەڵکو چیرۆکی ئەوەیە کە چارەنووس چۆن دەتوانێت مرۆڤەکان لە نێوان دڵسۆزی و دڵڕەقی لە نێوان خۆشەویستی و خیانەت بە شێوەیەکی ترسناک بشکێنێت

کاتێک کەرامەت دەبێتە نێچیری توندوتیژی لە جیهانێکدا کە تێیدا هێز یاسایە و بەزەیی تەنها خەیاڵێکی دوورە، ململانێیەک لە نێوان دوو جەمسەری دژ بەیەک سەرهەڵدەدات داگیرکەرێک کە تەنها خاکی نەگرتووە، بەڵکو دەیەوێت ڕۆح و جەستەی مرۆڤەکانیش بکاتە موڵکی خۆی، و کەرامەتێک کە لە ناو جەرگەی ئازار و ڕسوابووندا، هێشتا سەری بۆ هیچ توندوتیژییەک دانەواندووە. ئەمە چیرۆکی ئەو ساتانەیە کە تێیدا ئارەزوو و ڕق هێندە تێکەڵ دەبن، چیتر جیاکاری لە نێوانیاندا نامێنێت. چیرۆکی ئەو برینانەی کە بە چەقۆ لەسەر جەستە جێدەمێنن، بەڵام ئازارەکەیان هەتا قووڵایی ڕۆح دەبڕێت. لێرەدا، مەرگ سادەترین ڕێگەیە بۆ ڕزگاربوون، بەڵام جەنگە ڕاستەقینەکە لەوەدایە کە چۆن بتوانیت لە ژێر سایەی دڕندەیەکدا کە تەنها زمانی خوێن تێدەگات، پارێزگاری لەو دوا پشکۆیەی مرۆڤایەتیت بکەیت کە ناوی کەرامەتە. لە نێوان دوکەڵی جگەرە و بۆنی بارووت، لە نێوان هاوارە بێدەنگەکان و هەناسە بڕکێی ئارەزووە توندەکان، یارییەک دەست پێ دەکات. کە تێیدا هیچ کەسێک بێبەری نییە. ئایا مرۆڤ دەتوانێت ئەو کەسەی خۆش بوێت کە داگیکەری ژیانیەتی؟ یان ئایا تۆڵە دەتوانێت ئەو کەرامەتە بگەڕێنێتەوە کە بە پارەی سوکایەتی کڕدراوە؟ ئەمە گەشتێکە بۆ ناو دۆزەخی ئارەزوو... جەنگێکە بۆ مانەوە

چیرۆکێکی کوردیە: ژیان زۆرجار ژیان لەو دێڕە نەنووسراوانەوە دەست پێدەکات کە لە نێوان بێدەنگیی بەردینی شار و تەمومژی نادیاری چیاکاندا کێشراون ململانێیەک لە نێوان قورسیی خۆڵەمێشیی تەمەنێک کە وەک دیواری قەڵاکان بێدەنگ ڕاوەستاوە، لەگەڵ شەماڵێکی کوێستانی کە لە لوتکەی سەفینەوە شۆڕ دەبێتەوە نەک تەنیا بۆ هێنانی فێنکی بەڵکو بۆ شاردنەوەی ئەو فرمێسکانەی کە لەبەر بێدەنگیدا شوێنێک شک نابەن بۆ وەرین ​ئەم نووسینە گەشتێکە لە نێوان دوو جیهانی جیاواز لە نێوان گەرمای سووتێنەری تەنیایی و کڕێوەی ساردی چارەنووس و گوزارشتێکە لەو ڕاستییە تاڵەی کە دەڵێت: زۆرجار لە پشتی تەمێکی ئەستوورەوە هیوایەک شاردراوەتەوە کە تەنیا دڵە ماندووەکان پێی دەزانن لێرەدا تەم تەنیا دیاردەیەکی سروشتی نییە بەڵکو پەردەیەکی سپییە کە ئازارە قووڵەکان و عەشقە ڕاستەقینەکان لە چاوی بێبەزەیی جیهان دەشارێتەوە... دالیا & نڤار دەستپێک ١٥\٧\٢٠٢٦ کۆتایی ٢٨\٨\٢٠٢٦ Written by: onnerra...