"Sevgi"- hər kəsin yaşadığı, bəzilərinə həyat verən, bəzilərini isə iliklərinə qədər sızıldadan həmin o hiss. Həyatımıza ilk girdiyi andan hər şey dəyişir. Kimilərini yenidən həyata bağlayır, kimilərini isə sözün əsl mənasında əzab çəkməyə məcbur edir. Bəs əslində Sevgi necə yaşanmalıdır ki, bizi həyatda tuta bilsin? Bəlkə də sadəcə bizi sevəni sevməliyik, ya da dostumuzu, düşmənimizi? Bəs sevgimiz qarşılıqlı olmasa necə? Yenidən həyata bağlana bilərik? Bəlkə də. Amma bunun üçün "vaxtı olmayanlar" da var və həqiqətən sevənlər, bir ömür bunu etiraf etməyənlər... Üç yaxın dost - Ümid, Sevgi və Fəda. Onlar sadəcə dost olduqlarını düşünürdülər, amma tale onlara elə bir oyun oynadı ki, bütün həyatları dəyişdi. Üç yaxın dostun sevgiyə gedən yolu... Bir gülün soluşunu izləmək.. Bu sevginin, dostluğun, fədakarlığın və gecikmiş həqiqətlərin hekayəsidir...