Masugid na nanliligaw si Andres sa kaibigan ni Patty na si Azenith. Maliban sa kanya, botung-boto ang lahat sa binata para sa kanilang kaibigan. Matagal na silang magkakilala ni Andres pero ni hindi siya pansin nito. Bilang ganti, madalas niyang asarin ito. Pikon at suplado kasi si Andres kaya natutuwa si Azenith na kulitin ang binata. Nang mabasted ito, somehow, ikinaligaya niya iyon. Nalaman niya ang dahilan kung bakit... nang halikan siya nito.

Pangit at wala raw sex appeal si Socorro kaya imposibleng magustuhan siya ng kahit sinong lalaki, lalo na ng crush niyang si Hans Gatmaitan. But she proved her detractors wrong. Sa tulong ng isang kaibigan, animo isang bulaklak na namukadkad ang kanyang ganda. Napansin siya ni Hans. Naging visible siya sa paningin nito. They became friends. Nadama niya ang importansiyang ibinibigay nito sa kanya. Dahil doon ay lalong nahulog ang loob niya sa binata. Nag-umpisa siyang mangarap na isang araw ay kakausapin siya ni Hans at magtatapat ito ng pag-ibig sa kanya. Ngunit isang malaking dagok sa kanya ang nalaman niya sa birthday party ni Hans. Nadurog ang kanyang puso sa deklarasyong binitiwan nito sa harap ng mga bisita. Kalabisan ba talaga ang asamin ang puso nito? *** Things we love about being pinay: *** How positively friendly we are... we can get along with just anybody...

Isang pangyayari ang nag-udyok kay Charlyn na puntahan si Ernesto Yap, ang taong matagal na niyang binura sa kanyang buhay. Panahon na upang ibalik niya ang sakit na idinulot nito sa kanilang mag-ina. At si Engr. Ivan Arcanghel, ang kalaban sa negosyo ni Ernesto Yap, ang mabisang instrumento para magtagumpay siya. Sa buong buhay ni Charlyn ay noon lang siya magtatangkang hulihin ang atensiyon ng isang lalaki. Wala siyang alam sa pakikipagrelasyon dahil pinatigas na ng mga pagsubok ang kanyang puso. Ngunit ano na ang gagawin niya kapag nalaman ni Ivan na ginagamit niya lang ito? Maisasakatuparan pa kaya niya ang kanyang plano kung biglang pumanig ang kanyang puso kay Ivan?

Ang akala ni Azenith ay tahimik na ang mundo niya. Sa kabila ng mga nangyari sa kanya ay maraming oportunidad ang kumatok sa pinto niya. Subalit nang makarating sa kanya ang balita na nasa Maynila rin si Zardou-- ang lalaking pinakaiiwasan niya -- ay naalarma siya. Hindi nito dapat malaman ang kanyang kinaroroonan. Mayaman ang lalaki at kayang-kaya nitong bawiin sa kanya ang lahat, maging ang kanyang dignidad. Pero nangyari ang kinatatakutan ni Azenith. Hindi sinasadya ay nagkrus ang kanilang mga landas. Natuklasan niyang hindi pa rin nawawala sa kanyang puso ang mahikang dulot ni Zardou sa tuwing matitigan siya nito. Ngunit sa estado nito ngayon, alam niyang hindi na maaaring dugtungan ang kanilang nakaraan...

Matagal nang pinanghihinaan ng loob si Katrina sa mga naririnig niya sa kanyang mga kaibigan tungkol sa estado ng relasyon niya kay Roldan-- ang boyfriend niyang nangibang- bansa. Kaya naman madali niyang natanggap nang malamang nakabalik na pala ito sa Pilipinas at nakatakda nang ikasal sa ibang babae. Isang gabi lang niyang iniyakan ang pagkabigo. Tahimik na siya. Pero parang hindi naniniwala roon ang fiancee ng ex-boyfriend niya. Akala yata nito ay may balak pa siyang agawin si Roldan o 'di kaya ay gumawa ng eskandalo sa araw ng kasal ng dalawa. Hanggang sa sumulpot ang isang guwapo ngunit makulit na lalaki na palaging nagpapapansin sa kanya. At sa hindi malamang dahilan, kahit kumukulo ang dugo niya rito ay hindi niya ito maiwasan. Kaya pala unti-unti nang nahuhulog niya rito. Pero bukod sa pagpapaibig sa kanya ay may iba pa pala itong misyon. Dahil si Aidan Lara-- ang lalaking bumulabog sa ibig-manahimik na mundo niya -- ay kapatid pala ng babaeng pakakasalan ng ex-boyfriend niya!

Napasimangot si Tweety nang makitang maikli lang ang mensaheng nakasulat sa card ng bouquet na natanggap at hindi pa nagpakilala ang sender. Dear Ms. Lopez, Happy birthday! I love you! From your number one fan Naging eratiko ang tibok ng puso niya nang maisip si Brendan Wisell. Sa lalaking iyon lang niya narinig ang salitang fan. Parang gusto na niyang kiligin. Sa kabila niyon, ayaw pa rin niyang paasahin ang sarili at baka ma-frustrate lang kapag nalamang hindi naman pala kay Brendan galing ang mamahaling bouquet. At kung ito man ang nagpadala niyon, wala ring saysay. Kailan man ay hindi niya ito lubusang maaangkin. Dahil si Brendan ang tipo ng lalaking hindi naniniwala sa kasagraduhan ng kasal!

Dahil hindi mahal ni Haya ang lalaking gustong ipakasal sa kanya ng kanyang ama at dahil wala pa sa isip niya ang pag-aasawa, lumayas siya sa kanila. Nangako siya sa sariling babalik lang kapag natagpuan na ang lalaking mamahalin at pagsisilbihan. At sa isiping iyon, tutol ang loob niya sa paglitaw ng isang imahen sa kanyang isip: ang imahe ni Elmo Mirano. Katabi niya ito sa tren na sinakyan patungong Legaspi City. At talagang naiinis siya rito sa halos kawalan ng konsiderasyon-- nakadikit o mas tamang sabihing nakapatong na ang braso na ang braso nito sa kanya. Naiinis si Haya, pero naggugumiit pa rin sa kanyang isipan ang matigas na muscles ni Elmo na hindi maikubli ng suot na polo: ang makakapal nitong kilay at likas na mapupulang labi, ang init na sumisingaw sa katawan nito, na lalong nagpaasiwa sa kanya. Hindi pa man nakarating sa kanyang destinasyon ay mukhang babalik na si Haya sa kanila-- kasama si Elmo Mirano.

Kaaway ni Eliza si Alec Buenaventura, isang negosyanteng wala nang inisip kundi ang sariling interes. Kaya naman nang malaman niya ang diperensiya ni Alec, nagtaka pa siya sa sarili kung bakit nakadama pa siya ng simpatya rito. Pero hindi pa rin ito tumigil sa pang-aapi sa tulad niyang maliit na negosyante. Kaya ipinamukha niya kay Alec ang nalaman niyang lihim nito. "Hanggang diyan ka na lang, Mr. Buenaventura. Alam ko ang rason kung bakit hanggang patikim-tikim ka lang." Gumuhit ang pagtataka sa anyo nito. "Gusto mo ako, hindi ba?Unfortunatey, hanggang halik lang ang kaya mong gawin." Halos magdugo ang mga labi ni Eliza nang halikan siya ni Alec. Naramdaman pa niya ang paglilikot ng kamay nito sa loob ng suot na blusa. Pero alam niyang ligtas siya sa kapahamakan. Nang biglang manlaki ang mga mata niya sa naramdamang matigas na 'bagay' sa gawing hita niya. "There's no stopping now, Liz..."

Si Joey Agoncillo ang nag-iisang babae sa limang arkitekto na napiling mag-bid sa isang malaking kontrata. She needed that break to prove something to her ex-boyfriend who dumped her for a rich woman. Si Nico Madrigal naman ang pinakamahigpit niyang kalaban sa proyektong iyon. He, too, needed to get that contract so badly. Kailangan nitong mapatunayan sa inang napaka-domineering and manipulative na may narating ito without her help. Mukhang mahihirapan si Joey kay Nico. From what she gathered, he was as stubborn as a bull. A typical Taurean. "What Nico wants, he gets." Hindi nga lang niya alam kung kasama siya sa gusto nitong makuha. Hindi naman siya papayag na mangyari iyon. He had his motives. Gusto siya nitong sirain at guluhin ang diskarte niya para hindi mapunta sa kanya ang kontrata. But when he kissed her... now, that was another story. Saka na muna ang agam-agam. Meanwhile, she would enjoy his advances. Saka na siya mag-iisip...

Labinlimang taon si Amparo nang maramdaman ang unang pag-ibig at matikman ang unang halik. Si Piolo ang kanyang hinangaan, sinamba at pinangarap na makasama habambuhay. Pero mayaman ang lalaki at ayaw ng matapobreng mama nito sa kanya. At nasaktan ang batang puso niya nang iwan siya ni Piolo. Pagkaraan ng mahigit sampung taon, muling nagkrus ang kanilang mga landas. At kahit isa nang sikat na modelo at sinasamba ng mga kalalakihan ay hindi nagbabago ang epekto ni Piolo kay Amparo. Pero kailangan niyang maging matibay. Kung noon ay muntik nang may mangyari sa kanila, ngayon ay ipinapangako ni Amparo: kahit si Piolo pa ang kahuli-hulihang lalaki sa mundo, hindi niya ipagkakaloob ang sarili rito. Pero ano ang ginagawa ni Piolo sa kanyang kuwarto? Nakatayo ito sa harap niya. At siya, naghihintay lang sa susunod nitong hakbang...