Nang biglang dumating ang isang tulad mo buhay ko'y sumigla dala'y iyong payo; Kaya kaibigan ako'y may pangako saksi'y kamatayan na tagos sa puso! Saan man mapadpad ang hakbang ng paa? silangan, kanluran, timog at hilaga; Kalakip tuwina ang lungkot at saya huwag mabahala may muling pag-asa! Pangako saiyo aking kaibigan ika'y iingatan hanggang kamatayan; Kung ika'y alipin nitong kapalaran ako'y tawagin mo hangad kang damayan! Ikaw kaibigan na walang kapantay sa bawat pagtahak ika'y aking gabay; Ating kabakahin ang hamon ng buhay hindi pagtatagal ating ang tagumpay! Kahit na lumipas gabi man o araw laging ihanda takda ng pagpanaw; Tayo kaibigan sa mundong ibabaw idolong butihin ang mangingibabaw! Iyong marapatin at laging isipin ako'y kaibigang tapat sa tungkulin; Kaya ang hiling ko'y dapat lang mahalin pagkat ang buhay ko sayo'y ibibilin! Mga kasiyahan na pinagsamahan sa ating gunita hindi matumbasan; Ito ang pundasyon tayo'y magkaibigan hindi mawawaglit hanggang kamatayan!