"Pera lamang ang pakay ni Jet subalit higit pa rito ang kanyang natagpuan..." Sampung milyong piso. Ito ang pabuyang nakalaan sa sinumang makahahanap sa nawawalang unica hija ng mga Martinez. Marami ang nagnais na tumulong sapagkat marami rin ang gustong magantimpalaan. Isa na rito si Jet, na handang hanapin ang babaeng mahigit isang buwan nang nawawala makamit lamang ang milyones na maaaring makapagpabago sa takbo ng kanyang buhay. Ngunit, paano mapapauwi ang isang babaeng hindi naman talaga nawawala?