Raynesha Deanise Samaniego or Ysha loves the freedom too much. Kaya naman nang mawala ang kalayaan sa kanya ay ganoon na lang ang kanyang paninibago. Kung magbabalik siya sa kalayaan ay puwede lamang niya iyong ikapahamak pati na rin ng kanyang mga mahal sa buhay. Kaya pinili niya ang magtago kasama si Russel Dylan Dela Rosa na hindi man lang niya nakikilala. She was indeed attracted to Russ dahil sa perpektong pisikal na anyo nito. At nang mabigyan siya ng pagkakataong makilala ito ay higit niyang nagustuhan ang pagkatao nito. Unti-unti siyang nabago dahil sa pag-ibig dito na hindi niya alam kung may patutunguhan. Dahil alam niyang kapag bumalik sa dati ang buhay niya, possible rin itong maglahong parang bula at maiiwan siyang luhaan.

Nasanay si Vaughn na nakukuha ang lahat ng kanyang gusto kahit pa sa babae. Nang makilala niya si Natalia, isang club stripper, ay naranasan niya ang matanggihan. Na-challenge siya rito kung kaya ginawa niya ang lahat para lamang makuha ito. Pero nang mabigyan siya ng pagkakataong makuha ang kanyang gusto ay tila nag-iba na rin ang nararamdaman niya para rito. Hanggang saan nga ba siya dadalhin ng pag-ibig niya rito kung patuloy lang ding magbabalik ang nakaraan ni Natalia? Handa nga ba siyang manindigan hanggang sa huli?

Dalton Ace Samaniego, nag-iisang anak at certified Casanova. Kahit na minsan ay 'di siya nagseryoso sa buhay at naging mapaglaro sa mga babae. Malaya niyang ginagawa ang mga bagay na maibigan hanggang sa ipatapon siya ng kanyang mga magulang sa hacienda. Doon niya nakilala si Janella na anak ng kanyang yaya. At dahil sa natural siyang mapaglaro sa babae ay 'di pa rin niya naiwasang ilapit ang sarili dito dahil iniisip niyang init lang ng katawan ang lahat. Pero habang nagtatagal ay nakakaramdam siya ng mga bagay na 'di niya naramdaman para sa ibang babae. Pero sa kabila noon ay tinalikuran pa rin niya si Janella. Hanggang sa magkrus na naman ang kanilang landas. At noon n'ya napatunayan kung gaano kahalaga sa kanya ang babae. Pero paano pa nga ba niya mapapaniwala si Janella kung nakatakda naman siyang pakasal sa iba?

"Isang Montenegro ang magpapabago sa apelyido ni Dalisay Capekpek," usal ni Isay. Planado na umpisa pa lang. Matindi ang kagustuhan niyang mapa-ibig ni Danzel kung kaya ginagawa niya ang lahat makuha lamang ito. Ang pag-ibig niya'y isang patibong. Patibong na sa huli ay siya rin pala ang mahuhulog at masasaktan. Paano nga ba maitatama ng pag-ibig ang nakaraang nagpabagsak sa kanilang dalawa?

Hindi naniniwala si Min sa pag-ibig. Walang ibang mahalaga sa kanya kundi ang maiahon ang pamilya sa hirap. Kaya naman nang makilala niya si Lee, isang Fil-Amboy, hindi na niya iyon pinakawalan. Gusto niyang makarating sa America at alam niyang magagawa niya iyon kapag pinakasalan siya ni Lee. Ang hindi niya alam, iba naman ang intensyon ng lalaki. Handa itong pakasalan si Min upang hindi na bumalik pa sa America. Kung kaya naman umabot sila sa puntong gumawa sila ng isang kontratang magtatali sa kanila sa pag-ibig na hindi nila parehas inaasahan. Book Cover by Brianna Jan Dizon Roger

Hindi inaasahan ni Xial Andrew na sa isang club siya dadalhin ng kaibigang si Riche. At kahit pa hindi naman talaga siya pumupunta sa ganoong lugar ay sinakyan na lang niya ang trip nito at doon nga ay nakilala si Timmy. Si Timmy na unang beses pa lang niya nakilala ay may naganap na agad sa pagitan nila. At mas lalong hindi niya inaasahang 'virgin' pa ang babae. Nakaramdam siya ng guilt, pero agad din niyang nakita ang oportunidad na magamit ang babae para mas madali niyang makuha ang mana niya sa kanyang yumaong Lolo Dionisio. Ngunit ang kasalan nila ay unti-unting naging totohanan dahil na rin sa pagiging 'sexually attracted' nila sa isa't isa. At kung kailan tila maayos na ang lahat sa pagitan nila ay saka pa sinubok ang pagmamahalan nila. Dumating ang one great love ni Xial na si Marj at napag-alaman pa nitong hindi totoo ang kasalang naganap. At Isa iyon sa naging dahilan para tuluyan silang magkahiwalay. Pero dahil sadyang mapaglaro ang tadhana, muli na namang nagtagpo ang landas nila. Was there a chance for happily ever after on a love built on lies?

Sikat na singer/actor si Raphael Kim. Pero dahil sa mga negatibong write-ups na lumalabas tungkol sa kanya, napilitan siyang sumali sa variety show na 'We Got Married' kung saan kakailanganin niyang tumira sa iisang bahay kasama ang pretend wife niya. Pero tila hindi niya inaasahang sa mas may edad siyang singer ipapareha, kay Estella Hwang na halos 6 years ang tanda sa kanya. Pero habang tumatagal silang magkasama sa bahay, unti-unting nabubuo ang pag-ibig sa pagitan nilang dalawa. Gayunpaman, hindi magawang panindigan ni Raphael ang damdamin para sa babae kaya nang matapos ang variety show ay pinutol na rin niya ang kahit na anong ugnayan sa pagitan nila. Nang dumating ang pagkakataong mag-krus ulit ang landas nila, muli niyang naramdaman ang pag-ibig na kailanman ay hindi nawala sa puso niya. Magagawa pa kaya niyang makuha ulit ang pag-ibig nito gayong may pakakasalan na itong iba?

Noon pa man ay crush na ni Corine si Liam, isang sikat na football star player sa school nila. Pero kailanman ay hindi niya iyon ipinaalam sa kanyang mga kaibigan dahil na rin sa pag-aalalang tuksuhin siya ng mga ito. Pero bago pa man sila magkakilanlan nang husto ni Liam, nakilala rin niya ang nakakatandang kapatid nito na si Ian na naging masugid na manliligaw niya. At dahil mabait naman si Ian, sumubok siya sa pag-ibig nito. Ngunit habang tumatagal ay mas lalo lang niyang napagtanto na si Liam pa rin talaga ang isinisigaw ng kanyang puso.

Playboy. Ito ang tamang description kay Yi Jeong. Hindi siya kuntento sa iisang babae at lalong hindi siya nagseseryoso sa iisang relasyon. Pero ang lahat nang pananaw niyang iyon ay biglang nabago ng makilala niya si Gail. Si Gail na handang ibigay ang kanyang sarili sa kabila ng paniniwala niyang walang totoong pag-ibig. Magagawa kayang mabago ni Gail ang nakamulatan na ni Yi Jeong? Book Cover by @heyannairb

Si Nicholas Robertsons ang matatawag na perpektong lalaki para kay Jessie dahil sa kabila nang pinagkaiba ng estado nila sa buhay, nagawa siyang mahalin nito ng buong-buo at walang pag-aalinlangan. Subalit sa kabila nang wagas na pagmamahal nito ay kinailangan pa rin niya itong iwan para magpakasal sa iba. Hanggang kailan nga ba maninindigan si Nick para sa pagmamahal niya kahit na palaging mas pinipili ni Jessie ang buhay na wala siya?