Two years ago, nang ma-trap si Belle sa rooftop kasama ang campus heartthrob na si Callum Oliver, nadulas ang kaniyang dila at naitanong sa lalaki kung totoo ang kumakalat na tsismis na bakla ito. Nagulat na lamang si Belle nang lapitan siya ni Callum at walang paalam na hinalikan sa mga labi. Nangaligkig ang kaniyang buong katawan dahil sa paghalik ni Callum. Sa mismong araw naman ng graduation nila ay pilit na nilakasan ni Belle ang loob para ipagtapat kay Callum ang totoong nararamdaman. Pero nadurog ang kaniyang puso sa pagkabigo nang makita ang binata na kasama ang ex-girlfriend nitong si Pia. Ngayon, isa nang teacher si Belle at isang sikat na rock star naman sa buong Asia si Callum. At muli, naitakda ang pagkukrus ng kanilang mga landas nang makatanggap si Belle ng tawag mula sa isang misteryosong caller. Kung hindi raw siya makikipagkita kay Callum ay ikakalat ng caller ang ebidensiya tungkol sa gender issue ng binata. Dapat ay wala na siyang pakialam dahil sinaktan ni Callum noon ang kanyang inosenteng puso. Pero natagpuan na lang ni Belle ang sarili na kumakaripas ng takbo patungo sa function hall ng isang kilalang hotel sa Japan para pigilan ang masamang balak ng misteryosong caller...

"Siguro nong ninakaw mo ang wallet ko ay sinama mo na rin ang puso ko. You snatched away my heart kaya siguro ganon na lamang ang pagnanasa ko noon na makita kang muli. Para habambuhay na ikulong sa piling ko."

Dumating sa Paso de Blas si Emerald upang sa unang pagkakataon ay makatagpo si Leon Fortalejo, ang lolo niya. At upang linisin ang pangalan ng daddy niya. Subalit sa unang araw pa lang ay sa mga kamay na ng kaaway siya bumagsak, kay Marco de Silva. At, eh, ano, kung si Marco ay may pinakaseksing ngiti na nakita niya? At, eh, ano rin kung masarap at mahusay itong humalik? Isa pa rin itong kaaway at gusto nitong pagbayarin siya sa kasalanan ng daddy niya.

Si Jasmin ang napili ni Don Leon na ipakasal kay Nathaniel. Wala siyang mapagpipilian kundi ang sumunod. Si Nathaniel ay nagpupuyos sa galit dahil sa manipulasyon ni Don Leon, at sa pagkakaalam nitong hindi na birhen ang babaeng pakakasalan. Mahigpit na tradisyon ng pamilya na malinis at marangal na babae lamang ang ipapanhik sa Villa Kristine. Sa nangyayari'y naiipit si Jasmin sa magkabanggang mag-lolo. Kay Don Leon na ang nais ay diktahan ang mga nasasakupan at kay Nathaniel na ang nais ay makawala sa manipulasyon ng matanda.