Paano kung natagpuan na ang tunay na pag-ibig, ngunit ang puso ay hindi pa handa at sigurado? Ano ang mas dapat piliin? Ang matagal nang pangarap, o ang pusong umiibig nang lubusan? Si Catalina Castellano ay nagmula sa isang kilalang pamilya sa bayan ng San Luis. Isang payak na dalagang may hilig sa pagtuklas ng mga bagong bagay. Ngunit nagbago ang takbo ng kanyang mundo nang makilala niya ang isang taong tuluyang magpapabago sa kanyang buhay. Tunghayan natin ang kuwento ni Binibining Catalina Castellano, at alamin kung saan siya dadalhin ng agos ng tadhana at pag-ibig.