Kung may tataas pa sa Eiffel Tower, iyon ay ang pride ni Vin. Pero gumuho sa isang iglap ang iniingatan niyang pride nang makilala niya si Adrian, ang genius sa university na pinapasukan niya. Ito lang ang kaisa-isang lalaking hindi nagkakandarapa sa kanyang angking kariktan. "You aren't pretty at all," tahasang sabi nito sakanya. Umusok ang ilong niya. "Before this month ends, you will fall in love with me," sumpa niya rito. Pulido na sana ang plano niya kung hindi lang ito ngumiti sa kanya. At ang pride niyang niyurakan nito ay tuluyan nang nadurog. Nagkabaliktad ang sitwasyon nila. Mukhang siya na ang magmamakaawa sa pagmamahal nito. Pero paano niya gagawin iyon kung gaanong pumoporma pa lang siya ay tinataboy na siya nito.

Anthony Mejares Alyanna Cortez