Ngayong panahon ng pagbibigayan at pagmamahalan at at sa papalapit na bagong yugto ng ating mga buhay, isanfg kolaborasyon ang handog namin sa inyo. Mula sa mga naglahong pahina ng Carols Of Love ay mabubukas ang makukulay na pahina ng bahaghari, halina at basahin ang iba't-ibang orihinal na kwento mula sa iba't ibang manunulat

Kasabay ng paglalaho ng mga kwento ng musika ng pagmamahal ay siyang pag-usbong ng isang panahon ng mga kwentong magbibigay kulay sa natatanging panahon na ito. Panahon kung saan dapat na mamutawi ang ngiti ang mga labi, pagmamahal sa mga puso, pag-unawa sa ating kaisipan, at kapayapaan sa ating kaluluwa. Mula sa Carols of Love ay magbubukas ang bagong panahon ng mga kwento ng pagmamahal, pag-asa at inspirasyon, ang Season of Rainbows. Damhin ang init ng kulay pula na puno ng pagmamahal, ang kahel na siyang bubusog sa gutom na mga puso, ang dilaw na magbibigay ligaya, ang berde na magbibigay ng kapayapaan, ang bughaw na magpapakita ng panibagong pag-asa, ang indigo na siyang papahid sa iyong kalungkutan, at ang lila na siyang magbibigay sayo ng pangakong hindi mapapako.