Hindi naman lahat ng tao, matalino. Hindi rin naman lahat ng nilalang, marunong mag-Ingles. Pero kapag nagmahal ang isang taong katulad nito, kahit wrong grammar, kahit english-carabao, kahit pagtawanan ng maraming tao, kahit mag-nose bleed, kahit na kulangin sa tissue at kahit na nagmumukha ng gago, dadaigin pa nito ang English major na guro. Dahil hindi ka naman tatanungin ni Kupido ng "How well you know your English subject?" kundi, " What impossible things you can do when you fall in love?" At kapag dumating si Kupido at itinanong iyan. Sagutin mo ng, " Don't English Me! " Dahil hindi mo masasagot ang imposibleng tanong hangga't hindi ka pa nahuhulog sa kanyang patibong. ~CHEECH

Maraming pangarap si Diana Robles-at hahabulin niya rin ang mga ito pagkatapos niyang tuparin muna ang pangarap ng pamilya niya. Halos tatlong taon siyang nagsipag sa Canada para patapusin ng college ang mga nakababata niyang kapatid. Ngayong abot-kamay na niya ang katuparan ng mga pinangako niya, dadalhin muna siya ng tadhana sa isang malaki at malungkot na bahay para sa isang huling cleaning assignment bago siya magbakasyon. Sa bawat bisita, hindi lang niya nililinis ang bahay ng isang taong walang panahon sa kahit ano maliban sa trabaho-sisimulan niya rin ang isang kakaibang pagkakaibigan sa lalaking tutulak sa kanya na suriin ang lahat ng mga plano niya sa hinaharap. Pero bago masiguro ni Diana ang totoong gusto ng puso niya, may masamang balita na hihila sa kanya pauwi sa Pilipinas. Sa bisig nang mapagmahal niyang pamilya, sa gitna ng mga alaala nang nakaraan at ang tawag nang bagong buhay niya, susubukang tuklasin ni Diana kung saan naghihintay ang puso bago siya unang mahanap nito.