Naranasan niyo na bang magpapansin sa isang tao? Yung kahit saan siya pumunta, anytime, anywhere, SUSUNDAN mo siya? Not in a stalker way, but in a ... nice way? Eh yung kahit ano gagawin mo para lang mapansin siya? Ako, OO naranasan ko na.

Pagbabasa ng libro ang tanging libangan ni Allison Monteverde, isang fourth year college student sa isang exclusive all-girls school. Hindi niya hilig ang lumabas, manuod ng TV o magbabad sa internet tulad ng ibang mga kabataang tulad niya. Kaligayahan na para sa kanya ang magkulong sa kwarto, mapaligiran ng mga libro at magbasa. Kaya sinong mag-aakalang dahil sa hilig niya sa pagbabasa ng libro ay may makilala siyang isang napaka-misteryosong lalaki sa isang coffee shop. Isang binatang nag ngangalang Cedrick de la Vega na laging nagtatago sa ilalim ng kanyang hooded jacket. Ano kayang mga sikreto ang dala ng binata na maaaring magpabago kay Allison.