✨🍀Labinlimang Taong Agwat🍀✨ Buong akala ko sa teleserye lang nangyayari ang pagmamahalang ipagkakait ng lahat at hindi payag ang mundo na kayo'y magmahalan ng tapat. At sa isang iglap, ako rin mismo pala ay makakaranas ng ganitong klase ng pag-iibigan. Sa tingin ng iba, hindi kayo pwede dahil masyadong malaki ang agwat ng taon ng isa't isa...labinlimang taong agwat ang syang isa sa dahilan kung bakit ayaw sa amin ng mundo. Dahil ba 24 palang ako at siya ay 39 na? Dahil ba sa teacher lang ako habang siya'y doktor naman? Na para bang ang tingin ng mundo sa aki'y kayamanan lamang ang habol ko sa kaniya. Sa unang araw palang na naging kami, naisip ko na ang mga ito at hindi ako nagkamali dahil andito na nga kami sa hamon ng mundo sa amin. Habang nag-iisa sa tabi, Mga luha'y hindi mapahid. Ang puso'y napuno ng pighati, Na ang tanging hiling ay totoong pag-ibig. Saksi ang langit at mga bituin, Sa mga araw at gabing nananalangin. Na sana'y tanggapin, Ang totoong pag-iibigan namin. © 2026 JASHEEN. All rights reserved.