Sa mundo na nabalot na ng mga makamundong sakit, nahati ang populasyon sa dalawang uri - ang mga Natural (mga taong nilikha sa pakikipagtalik) at ang mga Artipisyal (mga taong nilikha mula sa mga laboratoryo). Mahigpit nang ipinagbabawal ang pagkakaroon ng pamilya ng walang pahintulot ng gobyerno, at ang mga lumalabag dito ay bigla na lamang naglalaho. Isa ang ina ni Sinag sa mga ito. Dalawampu't dalawang taon na ang nakalilipas mula nang maglaho ang kanyang ina, ngunit patuloy pa rin ang paghahanap ni Sinag sa taong may dahilan ng pagkawala nito. Gamit lamang ang kaisa-isang alaala na naiwan nito, ang kwintas ng gabi, matututunan ni Sinag na upang matagpuan niya ang taong hinahanap niya, kailangan muna niyang malaman ang mga nakatagong sikreto ng kanilang "perpektong" lipunan, at mahanap ang sarili niyang kasarinlan sa ilalim ng matinding pagsasanay ni Apolaki at ng Apat na Bantay ng lihim na Kilusan.

Sumagi man lang ba sa isipan mo o nangarap ka rin ba ng kagitingan na higit pa sa kung ano ka ngayon?. Nais mo bang maglakbay at liparin ang daigdig ng walang hanggang pakikipagsapalaran taglay ang nag-aalab na puso? Samahan si Juanito sa kanyang pagtahak at pakikipagsapalaran sa mundong punong puno ng kasaysayan, salamangka at hiwaga na tangan ang Kampilan na likha ni Bathala.