Matagal ng minamahal ni Marco si Alexandra ngunit hindi niya magawang ipahayag ito dahil natatakot siyang masira ang pagkakaibigan nilang dalawa, hanggang sa kailangan niyang umalis at iwan ito. At sa kanyang pagbabalik maipapahayag na kaya niya ang tunay na damdamin para kay Alexandra? Paano kung sa pagbalik niya ay may iba na itong minamahal? May mga bagay at mga tanong si Alexandra na matagal na niyang hinahanap at ng mahanap niya ito at matuklasan ang katotohanan tungkol sa kanyang sarili, kaya ba niyang tanggapin at panindigan kahit ang mga taong mahal niya ay masasaktan? Nagawang ipaglaban at tanggapin ni Jessica ang lahat-lahat para lang sa kanyang minamahal. Ngunit kaya pa rin ba niyang ipaglaban at maangkin ang pag-ibig na mali sa paningin ng iba, lalong-lalo na sa pamilya ng kanyang minamahal? Siya pa rin ba ang pipiliin ng taong mahal n'ya? Paano ka magiging masaya sa iyong pag-ibig kung maraming tao ang humahadlang at masasaktan? Hanggang saan ang kaya mong ibigay at isakripisyo para sa taong mahal mo?