Andrei, The Sweet Punisher By: Gezille Teaser: "Parang gusto na kitang sakalin sa pagiging manhid mo." Hindi naging maganda ang unang pagtatagpo nina Gizelle at Andrei. Para kay Gizelle, si Andrei na ang pinakamasungit na nilalang na ginawa ng Diyos. Kaya nang muling magtagpo ang mga landas nila at malaman niyang ito pa pala ang boss niya sa kompanyang kanyang pinagtatrabahuhan, hindi niya naiwasang himatayin. Iyon na yata ang pinakapangit na joke ng tadhana sa kanya. Lalo na nang magsimulang umusbong ang paghanga sa puso niya para sa walang-kasinsungit na lalaki nang magsimula siyang magtrabaho rito. Ngayon, hindi niya alam kung saan siya dadalhin ng kanyang huwad na pagsintang-purorot sa lalaking habit na yata ang magalit sa mundo.

"Not that I'm afraid to fall in love. Ayoko lang talagang main-love kung hindi lang din ikaw ang pag-aalayan ko ng puso ko." Dennis loves Kath. Mula pa nang matutunan niya ang ibig sabihin niyon ay tinanggap na niya sa sarili niyang ito ang babaeng mamahalin niya habang buhay kahit na ba hindi ito katulad ng ibang babae. But she is also his bestfriend since time imemorrial. At nang magkaro'n siya ng lakas ng loob na magtapat dito sa unang pagkakataon ay tinakbuhan siya nito at iniwasan. Lumipas ang maraming taon at hindi nagbago ang nararamdaman ni Dennis para sa matalik na kaibigan but obviously, hindi pa din sila pareho ng nararamdaman. Ano kaya kung gayumahin na lang niya ito para mahalin din siya nito? O pag-selosin? O magtapat na lang siya ulit ng pag-ibig dito? Nakakabaliw naman!

Sa kagustuhang mailayo sa kapahamakan ang natitirang mahal sa buhay, napilitan si Paula na sumunod sa gusto ni Wilbert. Akala niya ay wala na siyang pag-asang makatakas pa pero dumating ang isang knight in shining armor niya sa katauhan ni Miguel. Lahat ay ginawa ng binata para protektahan siya kahit pa hindi siya nito lubos na kilala. Now she didn't know kung kasusuklaman ba niya ang tadhana dahil sa problemang ibinigay nito sa kanya o pasasalamatan pa niya ito dahil ito ang nagdala kay Miguel sa buhay niya.

Isang taon nang kapitbahay ni Cris si Allie pero nagkakasya lang siyang tinatanaw ito mula sa malayo. Para kasing may sariling mundo ito; hindi ito nakikihalubilo sa ibang tao. Nang magkaroon siya ng pagkakataon upang mapalapit dito ay sinunggaban na niya iyon kahit pa nga mukhang walang interes ito sa kanya. Nang malaman pa niya ang totoong katauhan nito ay lalo siyang nawalan ng pag-asang mamahalin din siya nito. Paano naman ang pagsinta niyang inabot nang isang taon? Hanggang isang gabing nalasing siya ay hinalikan siya nito. Ano kaya ang ibig sabihin niyon?

"If I'm going to give myself a verdict right now, I'm definitely guilty. Guilty of loving you then and even now." Naniniwala si Jenna na natagpuan na niya ang lalaking para sa kanya-si Nick. Bukod sa guwapo at mayaman ay alam niyang mahal na mahal siya nito. But on their wedding day, Nick jilted her. Dahil sa nangyari ay galit na galit siya sa lalaki at determinado siyang sampahan ito ng kaso. Ini-refer naman siya ng isang kaibigan sa magaling na abogado-si Adam. Maliit nga lang talaga ang mundo dahil si Adam ang kanyang ultimate college crush at napakalaki ng kasalanan niya rito. Minsan na niyang sinira ang pangalan nito dahil sa isang eskandalong kinasangkutan nilang dalawa. Akala niya ay matagal na niyang nalimot ang batang damdamin ngunit nagkamali siya dahil muling nahulog ang loob niya kay Adam. Lagi kasi itong nasa tabi niya sa mga panahong kailangan niya ng karamay. Ang masaklap nga lang, hanggang ngayon ay mukhang hindi pa rin siya kayang pagtuunan ng pansin ni Adam. Sa paningin ng binata ay siya pa rin ang spoiled brat na naging estudyante nito at sumira sa maganda nitong reputasyon.

Andrea ang pangalan ko, pero mas kilala sa pangalang Drew. Ang sabi ni Kuya Bernard, dapat daw sa edad ko ay nakikipag-date na ako. Iisang pangalan lang ang naisip ko, si Troy---angmasungit na kaibigan ni Kuya. Galing kasi si Troy sa isang heartache. Kaya ba ng powers ko na mapukaw muli ang kanyang puso? Para kasing mahirap magtago ng feelings sa harap ni Troy. "Is there something you're hiding from me, Drew?" minsan ay tanong niya. "Hindi mo na kailangang malaman." "You can never hide anything from me. Remember that." "Mukhang wala na akong choice kundi magsabi sa iyo. But promise me one thing, you won't get mad." Kay ako ba? Huminga muna ako nang malalim. Isa, dalawa, tatlo... "I like you!" There, nasabi ko na kay Troy ang feelings ko sa kanya. Sa kuwento namin ng isang makulit at isang masungit, may "I do" kayang masungkit?

Minsan sa buhay ni Celine ay nagmahal siya ng isang Ethan Agoncillo. Guwapo, matalino, mayaman at higit sa lahat, palaging nasa tabi niya kapag kailangan niya ng makakausap. Ito ang isa sa mga taong hindi nang-iwan sa kanya noong mga panahong mababa ang self confidence niya at mababa ang tingin niya sa sarili niya. Hindi naman ito mahirap mahalin. Inakala pa nga niya na may katugon ang nararamdaman niya sa binata pero nang magtapat siya dito bago ito umalis ng bansa, napatunayan niyang pakikipag-kaibigan lang pala ang kaya nitong ibigay sa kanya. Kaya naman ginawa niya ang lahat para makalimutan ito. Kahit ang makipag-usap sa mga kaibigan nito ay iniwasan niya mapadali lang ang magmo-move on niya. Paglipas ng limang taon ay hindi niya inaasahan na magkikita pa uli sila ng tanging lalaking minahal niya. Muli ay naging malapit siya dito lalo na nang magpanggap itong nobyo niya nang dahil sa hindi inaasahang pagkakataon. Hahayaan na naman ba niyang umasa ang puso niya na may pag-asang mahalin din siya ng lalaking hindi naman pala nawala sa puso niya kundi nagtago lang sa kaibuturan niyon? O nanamnamin na lang niya ang masarap na pakiramdam sa piling nito hanggang sa matapos ang pagpapanggap nila?

One Night With Mr. Gorgeous by La Tigresa "I'm not going to marry you, Theo." "And do you think I want to? Wala akong choice. Nanay ka ng anak ko." Natameme si Arielle. "Hindi ko hinihingi sa 'yo na maging asawa ka sa akin oras na makasal tayo, Arielle. If you're worried about making love to me, huwag kang mag-alala, hindi kita oobligahin. Hindi ko rin naman matandaan na ipinilit ko ang bagay na 'yan sa isang babae. I can always find myself a woman to take your place anyway." Nag-init ang mukha ni Arielle sa inis. At sa ibang babae pala planong sumiping ng walanghiya at hindi sa kanya! 'Eh, kaninong kasalanan? 'Di ba ikaw naman 'tong nag-iinarte? 'Tapos, kapag naghanap siya ng ibang babaeng ikakama, maiinis ka.' Ipinilig niya ang ulo. Ano ba ang nangyayari sa kanya? Bakit naman siya maiinis kung sakaling gawin nga ni Theo ang sinabi? Nagseselos ba siya? Pumapayag na ba siyang maging Mrs. Theo De Marco? Of course not! HIGHEST RANK : #24 in Romance #21 in random #5 in PHR PHR top 2 Best Seller for the month of March 2017 ================================

Pangako by Martha Cecilia Published by PHR

Elleana Syquia lives the life every girl envies and dreams about. Dugong-bughaw na lang ang kulang, papasa na siyang maharlika. She was born and raised in London. Pag-aari ng mga magulang niya ang pinakamalaking plantasyon ng mais at tubo sa Ilocos Region na minsan lang niyang nakita noong mag-aanim na taong gulang siya. Pero biglang mababago ang lahat dahil sa iniwang sulat ng kanyang yumaong ina. Hiniling nito na sa pagtuntong ni Elleana ng veinticinco, pupunta siya sa Ilocos upang pangasiwaan ang hacienda. Doon ay nakilala niya si Felipe, ang lalaking "antipatiko" ang middle name at mas marami pa yatang irritating cells na dumadaloy sa katawan kaysa sa red blood cells! Ngunit taglay nito ang pinakamagandang mga mata na nakita niya at malilinis na kuko sa mga paa sa kabila ng pagiging isang magsasaka. At ayon pa sa lalaki, ito ang pinakaguwapo at pinakamakisig sa mga lalaking nakilala na niya. Kaya bang makipagsabayan ng kanyang British accent sa lalaking ang vocabulary ay naglalaro lang sa tinuran, sakbibi, nababatid, and the likes?